Nau Mprơ Ơm 107:2 - Nau Brah Ndu Ngơi 2023

² Phung Brah Yêhôva tâm chuai jêh bơh ti phung rlăng Lah hom pônây;

Nau Mprơ Ơm 107:2 ပူးပေါင်းရင်းမြစ်များ

Nau Mprơ Ơm 106:10

Păng tâm rklaih khân păng bơh ti phung tâm rmot ma khân păng, Jêh ri tâm chuai khân păng bơh ti phung rlăng.

Nau Mprơ Ơm 130:8

Păng yơh mra tâm chuai phung Israel Bơh lĕ nau mhĭk.

Nau Mprơ Ơm 31:5

Gâp jao huêng gâp tâm ti Kôranh Brah; Ơ Brah Yêhôva jêng Brah Ndu nanê̆ ngăn, May hŏ chuai gâp jêh.

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Êsai 35:9

Ta trong nây mâu mra geh yau mŭr ôh, Mâu lĕ geh du mlâm mpa bri janh mra hăn ta nây; Bu mâu mra saơ khân păng ta nây ôh. Ƀiălah phung Brah Ndu tâm chuai jêh mra hăn ta trong nây.

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Yêrêmi 15:21

“Gâp mra rklaih may bơh ti phung ƀai, Jêh ri sâm chuai may bơh phung kôranh djơh mhĭk.”

Yêrêmi 31:11

Yorlah Brah Yêhôva sâm chuai jêh Yakôb, Rklaih jêh khân păng tă bơh ti nơm dăng ktang lơn.

Mika 4:10

Hơi kon bu ur Siôn, ji hom nđêh nji hâu ngăn Tâm ban ma bu ur dôl ji deh! Yorlah may mra du luh bơh ƀon toyh Gŭ tâm mir ba, Jêh ri may mra tât ma bri Babilôn. Ƀiălah ta nây, may mra geh nau rklaih Ta nây, Brah Yêhôva mra tâm chuai may Du luh tă bơh ti phung rlăng may.

Luka 1:68

“Tâm rnê ma Kôranh Brah, jêng Brah Ndu Israel, Yorlah Păng hŏ khâl jêh ri tâm chuai jêh phung ƀon lan Păng,

Luka 1:74

Pô aơ nôk he dơi kơl rklaih tă bơh ti phung rlăng, Păng mra ăn ma he dơi pah kan ma Păng mâu geh nau klach ôh,

Luka 24:21

Hên kâp gân Păng jêng Nơm mra tâm chuai phung Israel. Nđâp tơlah nau nây hŏ tât geh dơi pe nar jêh.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Nau Vay Nkah Tay 15:15

Kah gĭt hom khân may lĕ tă ƀư dĭk jêh tâm n'gor Êjipt jêh ri Yêhôva Brah Ndu khân may tâm chuai jêh khân may. Yor nây nar aơ gâp ntĭnh ma khân may nau aơ.

Nau Vay Nkah Tay 7:8

Ƀiălah yorlah Brah Yêhôva rŏng ma khân may jêh ri gay djôt prăp nau ton Păng ton jêh ma phung chô yau khân may, Brah Yêhôva hŏ dŏng jêh ti nau dơi gay leo khân may du luh, chuai khân may bơh vâl dĭk bu jêh ri bơh ti Pharaôn, hađăch n'gor Êjipt.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.