Nau Mprơ Ơm 107:11 - Nau Brah Ndu Ngơi 2023

¹¹ Yorlah tâm rdâng jêh đah nau Brah Ndu ngơi, Jêh ri tâm rmot ma nau nti lah Nơm Dŭt Prêh.

Nau Mprơ Ơm 107:11 ပူးပေါင်းရင်းမြစ်များ

II Nau Rêh Jêng 33:10

Brah Yêhôva hŏ lah ma Y-Manasê jêh ri phung ƀon lan păng, ƀiălah khân păng mâu meng ôh.

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nau Mprơ Ơm 106:43

Âk tơ̆ Kôranh Brah tâm rklaih khân păng, Ƀiălah khân păng sâl tâm rdâng đah Păng. Jêh ri gŭ ngâm tâm nau tih.

Nau Mprơ Ơm 106:7

Dôl phung chô yau hên gŭ tâm bri Êjipt, Khân păng mâu gĭt rbăng lĕ nau mbên khlay May, Mâu lĕ kah gĭt nuih n'hâm ueh May rmeh ler, Ƀiălah ƀư nau tâm rdâng ta kơh dak mƀŭt, nây jêng Dak Mƀŭt Chăng.

Nau Mprơ Ơm 119:24

Lĕ nau ntĭnh bơh May jêng nau gâp rŏng, Khân păng jêng phung nchŏng an trong ma gâp.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Mprơ Ơm 68:6

Brah Ndu ƀư ma phung rêh rngloi geh ngih gŭ, Njŭn phung dĭk bu tât ma nau ndrŏng kuăng, Ƀiălah ăn phung mâu gŭ răp jăp mra gŭ tâm neh sơh.

Nau Mprơ Ơm 73:24

May mra sŏk nau ntĭm nti gay ma njŭn leo gâp, Jêh nau nây, vơt rom gâp tâm nau chrêk rmah.

Nau Mprơ Ơm 78:40

Âk tơ̆ jêh khân păng ƀư nau tâm rdâng đah Brah Ndu tâm bri rdah, Jêh ri ƀư rngot ma Brah Ndu tâm ntŭk rngol!

Nau Hôr 1:25

Ƀiălah khân may dun lơi lĕ rngôch nau gâp ntĭm nti, Mâu ŭch sŏk dơn ôh nau gâp nduyh;

Êsai 5:19

Khân păng lah: “Dăn ƀư ndal jêh ri ƀư gơnh nau kan Păng, Gay ma hên dơi saơ! Dăn nau dăp dơm Nơm Kloh Ueh Israel dơi ƀư, dơi jêng Gay ma hên dơi gĭt!”

Yêrêmi 44:16

“Nau may ngơi jêh ma hên tâm amoh Brah Yêhôva, hên mâu mra iăt ôh.

Luka 16:14

Phung Pharisi jêng phung rŏng ma prăk rêl tăng lĕ nau nây, ri mơ mưch rmot ma Brah Yêsu.

Luka 7:30

Ƀiălah phung Pharisi jêh ri phung kôranh nchih samƀŭt mâu ŭch Y-Yôhan ƀư ƀaptem ma khân păng, pôri khân păng dun nau ŭch Brah Ndu prăp ma khân păng.

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.