Nau Mprơ Ơm 106:9 - Nau Brah Ndu Ngơi 2023

⁹ Păng buay ma Dak Mƀŭt Chăng, păng suăt sơh kro; Păng njŭn khân păng rgăn dak mƀŭt jru nâm bu rgăn bri rdah.

Nau Mprơ Ơm 106:9 ပူးပေါင်းရင်းမြစ်များ

Nêhêmi 9:11

Kôranh Brah tâm nkhah dak mƀŭt tanăp măt phung ƀon lan May Gay ăn khân păng hăn rgăn ta klơ neh sơh ta nklang dak mƀŭt. Bi ma phung hăn tĭng pakơi, Kôranh Brah klŭp khân păng tâm dâng brŏng jru Nâm bu klŭp lŭ tâm dak toyh.

Nau Mprơ Ơm 18:15

Ơ Brah Yêhôva, yor nau May nduyh, Jêh ri yor n'hâm nsôr luh tă bơh trôm muh Păng, Blat dak mƀŭt mra mpơl Jêh ri lĕ mbon neh ntu mra saơ.

Nau Mprơ Ơm 66:6

Păng tâm rgâl dak rlai jêng neh sơh; Bu hăn jâng rgăn dak krong, Ta ntŭk nây hên răm maak tâm May.

Nau Mprơ Ơm 78:13

Păng rnglah dak mƀŭt jêh ri ăn khân păng hăn rgăn ta nây, Ăn dak gŭ nâm bu mpir.

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Nahum 1:4

Păng nduyh dak mƀŭt jêh ri ăn păng suăt ro, Păng ƀư ăn suăt lĕ rngôch dak krong. Bri Basan jêh ri yôk Karmel kro nhop da dê, Kao bri Liban mra nhop tâm ban lĕ.

Mathay 8:26

Brah Yêsu lah: “Hơi phung geh djê̆ nau chroh ri, mâm ƀư khân may klach?” Păng dâk ro buay sial jêh ri dak mƀŭt, khân păng nsrŭng ro jêh ri rngân njup.