Nau Mprơ Ơm 106:47 - Nau Brah Ndu Ngơi 2023

⁴⁷ Ơ Yêhôva Brah Ndu hên, dăn sâm rklaih hên, Tâm rƀŭn hên bơh nklang lĕ bri dak, Gay ma hên mra tâm rnê ma amoh kloh ueh May Jêh ri dơi mprơ tâm rnê ma May.

Nau Mprơ Ơm 106:47 ပူးပေါင်းရင်းမြစ်များ

Nau Mprơ Ơm 126:1

Tơlah Brah Yêhôva hŏ njŭn phung Siôn sĭt tă bơh nau jêng bu nă, Pôri hên jêng nâm bu du nau mbơi.

Nau Mprơ Ơm 14:7

Ơ, dăn Kôranh Brah văch tă bơh Siôn tâm rklaih phung Israel! Tơlah Brah Yêhôva djôt leo phung ƀon lan Păng plơ̆ sĭt tă bơh n'gor ƀư bu nă, Pôri Yakôb mra hâk maak jêh ri phung Israel răm rhơn!

Nau Mprơ Ơm 147:2

Brah Yêhôva rdâk ƀon Yêrusalem; Păng tâm rƀŭn phung kon Israel chah rai pru pra jêh;

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

Nau Vay Nkah Tay 30:3

pôri Yêhôva Brah Ndu mra rklaih khân may luh bơh nau ƀư dĭk, mra yô̆ nđach ma khân may jêh ri mra rgum khân may sĭt bơh lĕ rngôch ntŭk phung ƀon lan Yêhôva Brah Ndu hŏ ƀư chah rai jêh khân may.