Nau Mprơ Ơm 106:21 - Nau Brah Ndu Ngơi 2023

²¹ Khân păng chuêl Brah Ndu jêng nơm tâm rklaih jêh khân păng, Jêh ri ƀư kan dŭt toyh ma khân păng tâm bri Êjipt;

Nau Mprơ Ơm 106:21 ပူးပေါင်းရင်းမြစ်များ

Nau Mprơ Ơm 106:13

Ƀiălah khân păng chuêl kan Păng gơnh ngăn; Mâu gŭ kâp ôh nau Păng nkah nti.

Nau Mprơ Ơm 135:9

Păng ƀư lĕ nau mbên jêh ri nau khlay ta nklang Êjipt, Gay ma phat dôih hađăch Pharaôn jêh ri ma lĕ rngôch phung oh mon păng.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Luka 1:47

Huêng nuih n'hâm gâp răm rhơn tâm Brah Ndu jêng Nơm Tâm Rklaih gâp,

Nau Vay Nkah Tay 10:21

Păng jêng Nơm khân may tâm rnê. Păng jêng Brah Ndu khân may, jêng Nơm hŏ ƀư jêh ma khân may lĕ nau kan toyh jêh ri klach krit măt khân may hŏ saơ jêh.

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?

Nau Vay Nkah Tay 6:22

Brah Yêhôva hŏ ƀư tanăp he lĕ nau mbên khlay toyh ngăn jêh ri klach krit, gay rmal ma n'gor Êjipt, ma Pharaôn jêh ri ma lĕ rngôch ngih hađăch.

Titus 1:3

jêh ri tât di nôk nal, Păng tâm mpơl jêh nau Păng ngơi tâm nau mbơh nkoch Păng jao jêh ma gâp tĭng nau ntrŭnh bơh Brah Ndu, Nơm Tâm Rklaih he.

Titus 2:10

mâu ntŭng ôh, ƀiălah tâm mpơl ƀaƀơ nuih n'hâm răp jăp n'hêl nanê̆, gay ma tâm lĕ rngôch nau, khân păng dơi yơk ma nau ntĭm nti bơh Brah Ndu, Nơm Tâm Rklaih he, geh nau chrat ang.

Phung Kôranh Phat Dôih 8:34

Tâm ban pônây phung ƀon lan Israel mâu hôm kah gĭt ôh ma Yêhôva Brah Ndu khân păng, jêng Nơm tâm rklaih jêh khân păng bơh lĕ rngôch phung rlăng khân păng gŭ văr jŭm păng.