Nau Mprơ Ơm 106:1 - Nau Brah Ndu Ngơi 2023

¹ Halêluya! Mprơ tâm rnê hom ma Brah Yêhôva, yorlah Păng jêng ueh, Nau ueh Păng hôm ƀaƀơ n'ho ro.

Nau Mprơ Ơm 106:1 ပူးပေါင်းရင်းမြစ်များ

I Nau Rêh Jêng 16:34

Tâm rnê hom ma Brah Yêhôva, yorlah Păng jêng ueh; Nau ueh Păng hôm ƀaƀơ n'ho ro.

I Nau Rêh Jêng 16:41

Ndrel ma khân păng geh Y-Hêman, Y-Jêduthun jêh ri phung êng bu săch prăp ma kan tâm rnê ma Brah Yêhôva, yorlah nau ueh Păng geh kŏ tât ƀaƀơ n'ho ro.

Êsra 3:11

Khân păng mprơ tâm rdơn ndrăng khân păng gay mât ton jêh ri tâm rnê lah ueh ma Brah Yêhôva pô aơ: “Păng ueh ngăn, Nuih n'hâm yô̆ nđach Păng đah phung Israel hôm kŏ tât ƀaƀơ n'ho ro!” Jêh nây lĕ rngôch bunuyh ƀon lan ma du bâr nter huy toyh, tâm rnê Brah Yêhôva, yorlah mbon ngih Brah Yêhôva dơi ndâk njêng jêh.

Nau Mprơ Ơm 103:17

Ƀiălah nau ueh Brah Yêhôva hôm ƀaƀơ n'ho ro Ma phung klach yơk ma Păng, Jêh ri nau sŏng srăng Păng prăp ma sau se khân păng.

Nau Mprơ Ơm 105:1

Mprơ tâm rnê hom ma Brah Yêhôva jêh ri kuăl mbơh sơm ma amoh Păng! Mbơh hom nau kan Păng ta nklang phung mpôl băl bunuyh!

Nau Mprơ Ơm 105:45

Gay ma khân păng djôt prăp nau vay Păng, Jêh ri tông nau vay Păng. Halêluya!

Nau Mprơ Ơm 107:1

Tâm rnê lah ueh hom ma Brah Yêhôva yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 118:1

Tâm rnê hom ma Brah Yêhôva yorlah Păng jêng ueh; Yorlah nuih n'hâm ueh Păng hôm ƀaƀơ n'ho ro.

Nau Mprơ Ơm 119:68

May jêng ueh, jêh ri lơ hô ƀư nau ueh ƀaƀơ; Sâm nti gâp lĕ nau vay ƀư bơh May.

Nau Mprơ Ơm 135:3

Mprơ tâm rnê hom ma Brah Yêhôva yorlah Brah Yêhôva jêng nơm ueh; Mprơ nau tâm rnê ma amoh Păng yorlah nây jêng nau maak.

Nau Mprơ Ơm 136:1

Tâm rnê lah ueh hom ma Brah Yêhôva yorlah Păng jêng nơm ueh; Nuih n'hâm ueh Păng hôm ƀaƀơ n'ho ro.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Mathay 19:17

Brah Yêsu lah: “Mâm ƀư may ôp Gâp ma nau ueh? Knŏng geh du huê dơm Nơm jêng ueh. Tơlah may ŭch lăp tâm nau rêh, djôt prăp hom lĕ nau vay.”

I Têsalônik 5:18

lah ueh hom ma Brah Ndu tâm lĕ nau tât, yorlah nây jêng nau mĭn Brah Ndu ŭch đah khân may tâm Yêsu Krist.