Nau Mprơ Ơm 105:5 - Nau Brah Ndu Ngơi 2023

^5-6 Ơ noi deh Abraham jêng oh mon Păng, Ơ phung kon sau Y-Yakôb jêng phung Păng săch jêh! Ăn khân may kah gĭt nau kan khlay Păng ƀư jêh, Lĕ nau mbên khlay jêh ri nau phat dôih bơh bâr mbung Păng.

Nau Mprơ Ơm 105:5 ပူးပေါင်းရင်းမြစ်များ

Nau Mprơ Ơm 103:2

Ơ huêng gâp, tâm rnê hom ma Brah Yêhôva, Lơi dĭng chuêl ôh lĕ ntil nau ueh Păng ăn.

Nau Mprơ Ơm 119:13

Gâp dŏng bâr mbung gâp nkoch tay Lĕ nau vay ƀư bâr mbung May ntăm.

Nau Mprơ Ơm 40:5

Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Mprơ Ơm 77:11

Gâp mra kah gĭt mro nau kan Brah Yêhôva; Kah gĭt tât lĕ nau mbên khlay May kăl e;

Nau Mprơ Ơm 77:12

Ăt mra mĭn rvê ma lĕ rngôch kan May, Jêh ri mĭn ma lĕ nau May ƀư.

Luka 22:19

Jêh nây Păng sŏk piăng let, lah ueh, nkê̆ch piăng let, tâm pă ma phung oh mon jêh ri lah: “Aơ jêng săk jăn Gâp ăn ma yor khân may. Ƀư hom nau nây gay ma kah gĭt ma Gâp.”

Nau Vay Nkah Tay 32:7

Kah gĭt hom ma lĕ nar kăl e, Gŭ mĭn hom ma lĕ rô̆ hŏ rlau jêh; Ôp hom ma mbơ̆ khân may, jêh ri păng mra ntĭm ma khân may. Ôp hom ma kôranh bu ranh, khân păng mra nkoch ma khân may.

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

Nau Tâm Mpơl 16:7

Jêh nây gâp tăng bâr tă bơh nơng ƀư brah lah pô aơ: “N'hêl nanê̆ ngăn, ơ Kôranh Brah jêng Brah Ndu Geh Lĕ Nau Brah, Lĕ nau May phat dôih jêng nanê̆ ngăn jêh ri sŏng.”

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”