Nau Mprơ Ơm 105:3 - Nau Brah Ndu Ngơi 2023

³ Tâm rnê hom tâm amoh kloh ueh Păng; Ăn nuih n'hâm phung joi Brah Yêhôva geh nau răm maak!

Nau Mprơ Ơm 105:3 ပူးပေါင်းရင်းမြစ်များ

Nau Mprơ Ơm 104:34

Ăn nau gâp mĭn dơi ƀư maak ma nuih n'hâm Păng; Yorlah gâp răm maak tâm Brah Yêhôva.

Nau Mprơ Ơm 34:2

Huêng gâp mra tâm rnê êng ma Brah Yêhôva, Phung dêh rhêt mra iăt jêh ri răm maak.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Nau Nhĭm Vơl 3:25

Brah Yêhôva mpơh nau ueh ăn ma phung kâp gân Păng, Ndrel ma mbu huêng tĭng joi Păng.

I Kôrintô 1:29

gay lơi ăn du huê bunuyh sưr tanăp măt Brah Ndu nơm.

I Kôrintô 1:31

yor ri, tâm ban ma nau nchih jêh: “Mbu nơm rnê êng, tâm rnê êng hom tâm Kôranh Brah.”

Galati 6:14

Bi ma gâp, gâp mâu ngơi ntưih ma moh ntil êng ôh, knŏng si tâm rkăng Kôranh Brah he jêng Brah Yêsu Krist. Yor si tâm rkăng nây, ma gâp neh ntu geh nau pâng kđĭn, jêh ri ma neh ntu gâp tâm ban lĕ.