Nau Mprơ Ơm 105:16 - Nau Brah Ndu Ngơi 2023

¹⁶ Păng ăn nau ji ngot tât ta n'gor Jêh ri sŏk lơi lĕ ndơ sông sa.

Nau Mprơ Ơm 105:16 ပူးပေါင်းရင်းမြစ်များ

Nau Ntơm 41:54

pơh năm nau sa sât ji ngot ntơm yơh, di ngăn nâm nau Y-Yôsep hŏ lah jêh. Lĕ rngôch n'gor êng geh nau ji ngot da dê, ƀiălah tâm lam n'gor Êjipt geh ndơ sông sa.

Nau Ntơm 47:13

Mâu geh ôh ndơ sông sa tâm lam n'gor, yorlah nau sa sât ji ngot rêh ni ngăn. Lĕ n'gor Êjipt jêh ri Kanaan ntơm lĕ huăr rvet da dê yor nau sa sât ji ngot.

Nau Ntơm 47:19

Moh khlay ăn hên khĭt jêh ri mâm neh lŏ hên jêng rngol dơm tra năp măt may? Dăn may sŏk ndơ sông sa gay rvăt hên jêh ri neh hên. Hên nđâp neh hên mra ƀư dĭk ma Pharaôn. Ăn ma hên găr ntil gay ma hên dơi rêh mâu ăn ôh khĭt, jêh ri neh mâu ôh chalơi dơm.”

II Phung Hađăch 8:1

Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

Nau Mprơ Ơm 104:15

Ndrănh play krăk ƀâu ƀư maak nuih n'hâm bunuyh, Dak ngi ăn muh măt chrat ang, Jêh ri ƀănh gay ma sa bah ji ngot.

Êsai 3:1

Aơ, Kôranh Brah jêng Brah Yêhôva ma phung tahan Mra sŏk rdu lơi bơh Yêrusalem jêh ri bri Yuđa Tu nau kâp kơl jêh ri ntŭk rnơm, Nĕ jêng lĕ tu ăn ma ƀănh jêh ri dak.

Êsêkiêl 4:16

Jêh nây Păng lah tay: “Hơi kon bunuyh, aơ, Gâp mâu ăn ôh piăng let tâm ƀon Yêrusalem, khân păng mra veh piăng let sa tâm nau klach, nhueh dak nhêt tâm nau krit toyh ngăn.

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Ndrom Samƀŭt bơh Agê 2:17

Brah Yêhôva lah: ‘Gâp hŏ dŏng jêh prăng phang, ek găm, mih tŭp pler tâm rmal khân may tâm lĕ rngôch kan ti khân may ƀư, ƀiălah khân may mâu geh ôh bunuyh plơ̆ sĭt tay ma Gâp.

Kôranh Oh Mon 7:11

Rnôk nây, geh nau ji ngot tâm n'gor Êjipt jêh ri n'gor Kanaan, jêng du nau rêh ni toyh ngăn ƀư ăn phung chô yau he mâu dơi geh ndơ sông sa ôh.

Nau Tâm Mpơl 6:8

Gâp uănh, ri du mlâm seh ĭr rmĭt. Nơm ncho seh rnha Nau Khĭt, jêh ri Ƀon phung khĭt tĭng pakơi păng. Bu ăn ma khân păng nau dơi ƀư rai du kô̆ tâm puăn ta neh ntu gay nkhĭt ma đao gưm, nau sa sât ji ngot, nau ji tưp jêh ri ma phung mpô mpa bri janh ta neh ntu.