Nau Mprơ Ơm 104:29 - Nau Brah Ndu Ngơi 2023

²⁹ Ƀiălah tơlah May pôn măt, khân păng krit ngăn, May sŏk lơi n'hâm khân păng, khân păng khĭt Jêh ri plơ̆ sĭt ma ndruyh neh.

Nau Mprơ Ơm 104:29 ပူးပေါင်းရင်းမြစ်များ

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Ndrom Samƀŭt bơh Yôp 10:9

Dăn Kôranh Brah kah gĭt pô aơ May hŏ rli mon gâp bơh neh uk; Mâm aƀaơ May ŭch mplơ̆ tay gâp sĭt ma ndruyh neh?

Ndrom Samƀŭt bơh Yôp 13:24

Mâm May pôn muh măt, Jêh ri uănh gâp nâm bu phung rlăng đah May?

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Nau Mprơ Ơm 146:4

Lah tăch n'hâm, kon bunuyh plơ̆ sĭt ro ta ndruyh neh; Tâm nar nây yơh, lĕ nau păng ŭch ƀư rai lôch.

Nau Mprơ Ơm 30:7

Ơ Brah Yêhôva, yor nau yô̆ May, Yôk gâp dơi ndâk nâp. Ƀiălah dôl May pôn măt, Pôri gâp geh nau rŭng răng ro.

Nau Mprơ Ơm 90:3

May ăn kon bunuyh plơ̆ ma ndruyh neh Jêh ri lah pô aơ: “Ơ phung kon bunuyh, plơ̆ sĭt hom ma ndruyh neh.”

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Kôranh Oh Mon 17:25

Păng mâu đŏng ŭch ma ti bunuyh pah kan tâm ban ma Păng ŭch ti bunuyh kơl, yorlah Păng yơh jêng Nơm ăn nau rêh, n'hâm nsôr jêh ri ăp ntil ndơ ma lĕ rngôch bunuyh.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’