Nau Mprơ Ơm 104:24 - Nau Brah Ndu Ngơi 2023

²⁴ Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Mprơ Ơm 104:24 ပူးပေါင်းရင်းမြစ်များ

Nau Ntơm 1:31

Brah Ndu saơ lĕ ntil ndơ Păng hŏ njêng jêh; ri, ueh ngăn ngên! Pôri, geh mhaơ jêh ri ôi. Nây jêng nar tal prao.

Nêhêmi 9:6

Vư, knŏng du huê Kôranh Brah jêng Brah Yêhôva geh nguay mâu hôm geh bar ôh; Kôranh Brah hŏ rhăk njêng lĕ ndâr trôk jêh ri trôk ma lĕ ndâr trôk ndrel ma lĕ rngôch phung tahan khân păng, Neh nđâp ma lĕ rngôch mpa tâm ta klơ neh ntu, dak mƀŭt jêh ri ma lĕ rngôch mpa geh tâm dak mƀŭt. Kôranh Brah mât njrăng lĕ rngôch ndơ nây Jêh ri phung tahan tâm trôk yơk mbah May da dê.

Ndrom Samƀŭt bơh Yôp 5:9

Păng pah kan toyh ngăn jêh ri bu mâu dơi ôh chrâng, Âk ntil nau khlay ngăn kơp mâu dơi lôch.

Nau Mprơ Ơm 107:24

Khân păng saơ kan Brah Yêhôva, Uănh nau mbên Păng tâm dak jru.

Nau Mprơ Ơm 107:31

Ăn bu tâm rnê ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 136:5

Nơm rhăk njêng jêh lĕ ndâr trôk ma nau blau mĭn, Yor nuih n'hâm ueh Păng hôm tât ƀaƀơ n'ho ro.

Nau Mprơ Ơm 148:7

Hơi phung mpa bri toyh tâm dak rlai jêh ri lĕ rngôch brŏng jru tâm neh, Tâm rnê hom ma Brah Yêhôva.

Nau Mprơ Ơm 24:1

Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Nau Mprơ Ơm 40:5

Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Mprơ Ơm 65:11

May sŏk nau ueh ƀư đon hađăch ndô ma năm khay; Lĕ nhuat May hăn rgăn ƀư ma neh jêng ueh.

Nau Mprơ Ơm 8:3

Tơlah gâp n'gơr uănh lĕ ndâr trôk jêng nau kan tă bơh nglau ti Kôranh Brah, Măt khay jêh ri lĕ mănh mbing Kôranh Brah hŏ rhăk njêng jêh

Nau Mprơ Ơm 92:6

Bunuyh rluk mâu dơi gĭt ôh, Bunuyh rluk mâu dơi gĭt rbăng lĕ.

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Êphêsô 1:8

jêng nau yô̆ Păng ăn âk rmeh ma he. Ndrel ma lĕ rngôch nau blau mĭn jêh ri nau gĭt rbăng,

Êphêsô 3:10

Aƀaơ aơ, tă Phung Ngih Brah Ndu, nau blau mĭn mâu blau lôch Brah Ndu dơi tâm mpơl ma phung kôranh chiă uănh, lĕ nau dơi ktang tâm lĕ ntŭk klơ trôk,

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.