Nau Mprơ Ơm 104:15 - Nau Brah Ndu Ngơi 2023

¹⁵ Ndrănh play krăk ƀâu ƀư maak nuih n'hâm bunuyh, Dak ngi ăn muh măt chrat ang, Jêh ri ƀănh gay ma sa bah ji ngot.

Nau Mprơ Ơm 104:15 ပူးပေါင်းရင်းမြစ်များ

Nau Ntơm 18:5

Lĕ khân may hŏ lăn hăn tât ta ngih gâp jêh, ăn gâp hăn sŏk djê̆ piăng let gay khân may sông lĭr nuih jêh nây hăn n'hot jât năp.” Phung nây lah: “Ƀư hom kơt nau may lah.”

II Samuel 13:28

Y-Apsalôm ntĭnh ma phung oh mon păng: “Kâp uănh tơlah nuih n'hâm Y-Amnôn maak yor ndrănh, jêh ri tơlah gâp lah ma khân may: ‘dong hom Y-Amnôn,’ pônây nkhĭt hom păng ro yơh. Lơi klach ôh! Mâu di hĕ gâp nơm yơh đă ma khân may ƀư nau nây? Ăn khân may nănh janh jêh ri mpơl nau janh ktang!”

Nau Mprơ Ơm 105:16

Păng ăn nau ji ngot tât ta n'gor Jêh ri sŏk lơi lĕ ndơ sông sa.

Nau Mprơ Ơm 23:5

Kôranh Brah nkra sưng sông sa ma gâp Tanăp phung rlăng gâp; Kôranh Brah tŏ dak ƀâu kah ta bôk gâp, Kachok gâp bêng ler.

Nau Mprơ Ơm 92:10

Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.

Nau Hôr 31:6

Djôt leo hom ndrănh ăn ma phung dăch khĭt, Jêh ri ndrănh ăn phung geh nuih n'hâm rngot ngăn;

Nau Hôr 31:7

Ăn khăn păng nhêt hom jêh ri chuêl lĕ nau o ach khân păng, Mâu hôm kah gĭt ôh tât ma nau rêh ni khân păng.

Nơm Nti 10:19

Nkra nhêt sa gay rvăt nau maak, Ndrănh ƀư ăn nau rêh răm maak, Jêh ri prăk rêl dơi tŏng nau ŭch.

Nơm Nti 8:1

Mbu dơi nâm bu nơm blau mĭn? Mbu dơi rblang lĕ nau tât tâm nau rêh? Nau blau mĭn ƀư ăn muh măt ang rah vah Jêh ri rgâl lơi muh măt janh.

Nơm Nti 9:7

Pônây, sông sa hom ma nau maak jêh ri nhêt ndrănh ndrel nuih răm rhơn, yorlah Brah Ndu hŏ dơn jêh lĕ ma nau may ƀư.

Êsai 3:1

Aơ, Kôranh Brah jêng Brah Yêhôva ma phung tahan Mra sŏk rdu lơi bơh Yêrusalem jêh ri bri Yuđa Tu nau kâp kơl jêh ri ntŭk rnơm, Nĕ jêng lĕ tu ăn ma ƀănh jêh ri dak.

Êsai 55:10

Yorlah tâm ban ma dak mih jêh ri pler jŭr bơh trôk Jêh ri mâu hôm plơ̆ sĭt ta nây ôh, ƀiălah djrah bĕ neh, Ăn păng hon ndơ jêh ri nkeh rtah nkot, Gay ăn ntil ma nơm srih jêh ri piăng let ma nơm sa,

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Êsêkiêl 14:13

“Hơi kon bunuyh, moh bri dak mâu ƀư răp jăp ôh jêh ri ƀư tih tâm rdâng đah Gâp, jêh ri Gâp mra yơr ti tâm rdâng đah păng, mâu hôm ăn ndơ sông sa păng, ăn nau sât ji ngot jêh ri nkhĭt lĕ bunuyh ndrel mpô mpa bri tâm bri nây,

Êsêkiêl 4:16

Jêh nây Păng lah tay: “Hơi kon bunuyh, aơ, Gâp mâu ăn ôh piăng let tâm ƀon Yêrusalem, khân păng mra veh piăng let sa tâm nau klach, nhueh dak nhêt tâm nau krit toyh ngăn.

Êsêkiêl 5:16

Gâp mra pănh tâm khân may ma lĕ chiông hăr kăch jêng nau sa sât ji ngot gay ƀư rai khân may; Gâp mra pănh gay ƀư rai khân may. Gâp mra ntop ăn nau sât ji ngot ma khân may jêh ri mâu mra ăn ndơ sông sa ma khân may.

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Sakari 10:7

Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Markôs 14:23

Păng sŏk kachok, lah ueh, jêh ăn ma phung oh mon, jêh ri lĕ rngôch khân păng nhêt da dê.

Luka 7:46

May mâu tŏ dak ngi ôlive ta bôk Gâp, ƀiălah bu ur nây sŏk dak ƀâu kah mhĭng jâng Gâp.

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

Nau Vay Nkah Tay 28:40

Khân may mra geh tơm ôlive tâm lam n'gor, ƀiălah mâu geh dak ngi gay mhĭng yorlah play ôlive mra rŭng lĕ jêh.

Nau Vay Nkah Tay 8:3

Păng hŭch khân may, jêh ri ƀư ăn khân may mâp nau ji ngot jêh nây ăn ma khân may sa mana, khân may jêh ri lĕ phung chô yau khân may ê hŏ tă gĭt năl, gay nti ăn khân may gĭt kon bunuyh gŭ rêh mâu di ôh knŏng bơh piăng let dơm, ƀiălah ăt geh đŏng bơh lĕ nau ngơi luh bơh bâr mbung Brah Yêhôva.

ហេឞ្រើ 1:9

May rŏng nau sŏng srăng, tâm rmot nau djơh mhĭk; Yor nây, Brah Ndu jêng Brah Ndu May, hŏ tŏ dak ngi nau maak ma May, Ƀư ăn May rmeh rlau lơn ma phung băl May nơm.”

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

Phung Kôranh Phat Dôih 19:5

Ta nar tal puăn, khân păng dâk ơm ôi, jêh ri lah bunuyh Lêvi ndrăp hăn sĭt, mbơ̆ bu ur nây lah ma klay păng: “Khân may sa hom du glo piăng let gay bah ji ngot, jêh nây dơi dâk hăn.”

Phung Kôranh Phat Dôih 9:13

Ƀiălah tơm krăk ƀâu plơ̆ lah: ‘Gâp mra chalơi lĕ ndrănh ueh Jêng ndơ ƀư maak ma phung brah jêh ri bunuyh Gay hăn ƀư mpât tơm si ƀơh?’

Phung Kôranh Phat Dôih 9:9

Ƀiălah tơm ôlive plơ̆ lah: ‘Ăn gâp chalơi lĕ dak ngi Tă bơh nĕ phung brah jêh ri bunuyh geh nau yơk Gay hăn ƀư mpât tơm si?’