Nau Mprơ Ơm 104:14 - Nau Brah Ndu Ngơi 2023

¹⁴ Păng ăn gơ̆ hon ma mpa rong, Tơm si gay bunuyh mât rong Jêh ri neh dơi geh ndơ sa.

Nau Mprơ Ơm 104:14 ပူးပေါင်းရင်းမြစ်များ

Nau Ntơm 2:5

pôri ta klơ neh ê hŏ geh tơm si hon tâm ndrêch jêh ri ê hŏ geh đŏng gơ̆ hon tâm mir, yor Yêhôva Brah Ndu ê hŏ ăn ôh dak mih tŭp ta neh, jêh ri ê hŏ geh đŏng bunuyh chuar rli neh.

Nau Ntơm 2:9

Yêhôva Brah Ndu ƀư ăn neh hon ăp ntil tơm si ueh măt uănh jêh ri sa kah. Ta nklang n'gar trao geh tơm si nau rêh jêh ri geh tơm si gĭt nau ueh, nau mhĭk.

Nau Ntơm 3:18

Neh mra hon tơm lok jêh ri rtao lok, Jêh ri may mra sa n'ha trau tâm mir lŏ.

Nau Ntơm 4:12

Tơlah may pah kan mir, neh mâu mra geh play âk ma may. May mra du krap jêh ri nsong mblêng ta klơ neh ntu.”

Nau Ntơm 9:3

Moh ntil mpa rêh blau mpât nsong jêh ri geh nau rêh jêng ndơ sa ma khân may. Gâp ăn ma khân may lĕ rngôch mpa nây nâm bu Gâp hŏ ăn jêh n'ha biăp ndrêh ma khân may.

I Phung Hađăch 18:5

Y-Ahap lah ma Y-Apdia pô aơ: “Hăn hom lam tâm n'gor, uănh lĕ rngôch tu dak jêh ri n'hor dak, klăp lah he mra dơi joi gơ̆ nse gay ăn ma seh jêh ri seh bri; tơlah mâu, mpô mpa rong gâp mra khĭt lĕ?”

Ndrom Samƀŭt bơh Yôp 28:5

Neh luh du ndơ sông sa, Ƀiălah tâm dâng neh nâm bu geh tâm pot ŭnh.

Ndrom Samƀŭt bơh Yôp 38:27

Gay djrah bĕ neh hŏng gơ̆ kro, Ƀư ăn gơ̆ tơm si chăt hon ndrêh ueh?

Nau Mprơ Ơm 136:25

Păng ăn đŏng ndơ sông sa ma lĕ rngôch nglay săk, Yor nuih n'hâm ueh Păng hôm tât n'ho ro.

Nau Hôr 27:25

Gơ̆ kro roh hêt, gơ̆ nse chăt luh hon tay, Bu pĕ biăp ta klơ yôk.

Yôel 2:22

Hơi phung mpô mpa bri, lơi klach ôh, Yorlah lĕ ndrêch gơ̆ ta bri rdah mra chăt nse jêh, Tơm si mra luh play, Tơm rvi jêh ri tơm krăk ƀâu ăn play âk râk.

I Kôrintô 3:7

Pôri, bunuyh tăm jêh ri nơm djrah dak mâu ôh jêng khlay, ƀiălah knŏng geh Brah Ndu jêng Nơm ƀư văch ma toyh.

Nau Vay Nkah Tay 11:15

Păng mra ăn đŏng gơ̆ tâm mir khân may prăp ma mpô mpa rong khân may. Khân may mra sông sa nhêt hơm.