Nau Mprơ Ơm 104:1 - Nau Brah Ndu Ngơi 2023

¹ Ơ huêng gâp, mât ton hom ma Brah Yêhôva! Ơ Yêhôva Brah Ndu gâp, May jêng toyh ngăn; May nsoh jêh nau chrat ang jêh ri nau nchrat ral!

Nau Mprơ Ơm 104:1 ပူးပေါင်းရင်းမြစ်များ

Nau Mprơ Ơm 103:22

Ơ lĕ rngôch ndơ Brah Yêhôva njêng Lĕ rngôch ntŭk tâm dâng nau Păng chiă uănh, Mprơ tâm rnê hom ma Brah Yêhôva! Ơ huêng gâp, mât ton hom ma Brah Yêhôva!

Nau Mprơ Ơm 104:35

Ăn phung tih rai lôch bơh neh ntu Jêh ri phung mhĭk mâu hôm geh đŏng ôh. Ơ huêng gâp, mprơ tâm rnê hom ma Brah Yêhôva! Halêluya!

Nau Mprơ Ơm 145:3

Brah Yêhôva jêng dŭt toyh jêh ri khư ma nau tâm rnê; Nau dŭt toyh Păng mâu dơi veh ôh.

Nau Mprơ Ơm 7:1

Ơ Brah Yêhôva Brah Ndu gâp, gâp rnơm nsing tâm ntŭk May; Dăn rklaih gâp bơh lĕ rngôch phung hăn tĭng groi gâp, jêh ri sâm rklaih an gâp,

Nau Mprơ Ơm 93:1

Brah Yêhôva chiă uănh, Păng nsoh nau rnam. Brah Yêhôva nsoh jêh ri rêt rse bŭt ma nau ktang. Neh ntu dơi njêng nâp, mâu mâp n'gơ ôh.

Nau Mprơ Ơm 95:3

Yorlah Brah Yêhôva jêng Brah Ndu dŭt toyh, Jêng Hađăch dŭt prêh ta klơ lơn ma lĕ rngôch brah.

Nau Mprơ Ơm 96:6

Nau rnam jêh ri nchrat ang gŭ tanăp Păng; Nau Brah jêh ri nau ueh gŭ tâm ntŭk kloh ueh Păng.

Êsai 59:17

Păng nsoh ao loih ma nau sŏng srăng, Ndô đon nau tâm rklaih ta bôk; Nsoh ao ma nau plơng bôk, Mbăk ta klơ păng nơm ao rjai nuih n'hâm duh nđơr.

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Daniel 7:9

Gâp uănh kŏ tât Lĕ sưng hađăch dơi dăp ueh djrêp, Geh Nơm Gŭ Rêh Bơh Rnôk Kăl E gŭ ta klơ nây. Ao Păng nglang nâm bu pler, Sŏk ta klơ bôk Păng nâm bu rsau biăp kloh. Sưng hađăch Păng jêng mpiăt ŭnh Geh lĕ jâng ndeh ŭnh sa hit.

Daniel 9:4

Pôri gâp mbơh sơm ma Yêhôva Brah Ndu gâp jêh ri mbơh nau tih ma Păng: “Ơ Kôranh Brah, Brah Ndu dŭt prêh klơ jêh ri khư ma nau klach, Nơm djôt prăp nau tâm rnglăp jêh ri nau rŏng ma phung rŏng ma May jêh ri djôt prăp nau vay ntăm bơh May.

Habakuk 1:12

Ơ Yêhôva Brah Ndu, Jêng Nơm Kloh Ueh gâp! Mâm mâu di May ơm geh ntơm bơh saơm n'ho ro mâu blau lôch? Pôri, hên mâu ôh mra khĭt! Ơ Brah Yêhôva, May hŏ săch jêh phung ƀon lan nây gay prăp ma nau phat dôih. Ơ Kôranh Brah jêng Lŭ Toyh, May hŏ ndâk jêh khân păng gay ma tâm rmal!