Nau Mprơ Ơm 103:6 - Nau Brah Ndu Ngơi 2023

⁶ Brah Yêhôva ƀư nau sŏng srăng Jêh ri ƀư nau di ma lĕ rngôch phung bu tŭn jot.

Nau Mprơ Ơm 103:6 ပူးပေါင်းရင်းမြစ်များ

Nau Mprơ Ơm 109:31

Yorlah May gŭ râng mpeh pa ma nơm pưt kƀah, Gay tâm rklaih nau rêh khân păng, bơh phung tâm rmal.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 146:7

Păng ƀư nau di ma phung bu tŭn jot, Jêh ri ăn ndơ sông sa ma phung ji ngot. Brah Yêhôva rklaih phung bu nă jêng kon me.

Nau Mprơ Ơm 35:10

Lĕ nting nđăng gâp mra lah: “Ơ Brah Yêhôva, mbu tâm ban ma May? May tâm rklaih phung rdja bơh phung ktang, Rklaih phung rêh ni jêh ri phung pưt kƀah bơh phung tŭn jot.”

Nau Mprơ Ơm 72:12

Yorlah hađăch mra rklaih phung pưt kƀah nôk khân păng kuăl dăn Jêh ri kơl nơm rêh ni mâu geh nơm kơl.

Nau Mprơ Ơm 72:4

Hađăch mra phat dôih phung o ach tâm ƀon lan, Tâm rklaih phung pưt kƀah Jêh ri hađăch mra jot hăch phung tŭn jot.

Nau Mprơ Ơm 9:9

Brah Yêhôva jêng ntŭk krap ma phung bu tŭn jot, Jêng ntŭk krap n'gang săk tâm rnôk rêh ni.

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nau Hôr 23:10

Lơi ta trơn ôh jrŏng n'har neh ơm kăl e, Jêh ri lơi ta in ôh mir phung kon đơi;

Êsêkiêl 22:7

Ta ntŭk may, bu tâm rmot mê̆ mbơ̆; ta ntŭk may, bu tŭn jot ma nơm njơh ƀât lât; ta ntŭk may, bu tŭn jot ma phung kon đơi ndrel phung ndrô.

Luka 14:22

Oh mon lah tay: ‘Hơi kôranh, nau may ntăm, gâp ƀư jêh, ƀiălah ăt hôm geh ntŭk rmeh.’

Yakơ 2:6

Ƀiălah khân may mưch rmot ma phung o ach. Mâu di phung ndrŏng hĕ tŭn jot khân may, têk khân may văch tanăp ntŭk ngih phat dôih?