Nau Mprơ Ơm 103:22 - Nau Brah Ndu Ngơi 2023

²² Ơ lĕ rngôch ndơ Brah Yêhôva njêng Lĕ rngôch ntŭk tâm dâng nau Păng chiă uănh, Mprơ tâm rnê hom ma Brah Yêhôva! Ơ huêng gâp, mât ton hom ma Brah Yêhôva!

Nau Mprơ Ơm 103:22 ပူးပေါင်းရင်းမြစ်များ

Nau Mprơ Ơm 103:1

Ơ huêng gâp, tâm rnê hom ma Brah Yêhôva! Lĕ ntil ndơ gŭ tâm gâp, Mprơ tâm rnê hom ma amoh kloh ueh Păng!

Nau Mprơ Ơm 104:1

Ơ huêng gâp, mât ton hom ma Brah Yêhôva! Ơ Yêhôva Brah Ndu gâp, May jêng toyh ngăn; May nsoh jêh nau chrat ang jêh ri nau nchrat ral!

Nau Mprơ Ơm 104:35

Ăn phung tih rai lôch bơh neh ntu Jêh ri phung mhĭk mâu hôm geh đŏng ôh. Ơ huêng gâp, mprơ tâm rnê hom ma Brah Yêhôva! Halêluya!

Nau Mprơ Ơm 145:10

Ơ Brah Yêhôva, lĕ rngôch kan May mra tâm rnê ma May; Lĕ phung răp jăp đah May mra tâm rnê ma May.

Nau Mprơ Ơm 145:21

Bâr mbung gâp mra mprơ tâm rnê ma Brah Yêhôva; Ăn lĕ rngôch nglay săk mât ton ma amoh kloh ueh Păng tât ƀaƀơ n'ho ro.

Nau Mprơ Ơm 146:1

Halêluya! Ơ huêng gâp, tâm rnê hom ma Brah Yêhôva!

Nau Mprơ Ơm 148:1

Halêluya! Tă bơh lĕ ndâr trôk, tâm rnê hom ma Brah Yêhôva! Tâm lĕ ntŭk prêh, tâm rnê hom ma Păng.

Nau Mprơ Ơm 150:6

Ăn lĕ rngôch mpa geh n'hâm nsôr, Tâm rnê ma Brah Yêhôva! Halêluya!

Êsai 43:20

Lĕ rngôch mpa bri janh, so bri jêh ri sĭm ôtrus, Mra tâm rnê Gâp, Yorlah Gâp ăn lĕ n'hong dak hoch tâm bri rdah, Jêh ri ăn lĕ dak krong hoch tâm ntŭk neh sơh, Gay ăn ma phung ƀon lan Gâp săch jêh geh dak nhêt.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”