Nau Mprơ Ơm 103:20 - Nau Brah Ndu Ngơi 2023

²⁰ Ơ phung tông mpăr Brah Yêhôva, Jêng lĕ nơm geh nau ktang ƀư tĭng nau Păng đă, Jêh ri tông bâr tĭng nau Păng lah! Mât ton hom ma Brah Yêhôva!

Nau Mprơ Ơm 103:20 ပူးပေါင်းရင်းမြစ်များ

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

Nau Mprơ Ơm 148:2

Hơi phung tông mpăr Păng, tâm rnê hom ma Păng! Hơi lĕ rngôch phung tahan Păng tâm trôk, tâm rnê hom ma Păng!

Nau Mprơ Ơm 148:5

Lĕ rngôch ndơ tâm rnê ma amoh Brah Yêhôva, Yorlah Păng ntăm jêh, lĕ rngôch dơi rhăk njêng da dê.

Nau Mprơ Ơm 29:1

Ơ phung kon Brah Ndu, Yơk mbah Brah Yêhôva ma nau chrêk rmah jêh ri nau brah.

Nau Mprơ Ơm 78:25

Phung bunuyh nglay săk dơi sa ƀănh phung tông mpăr; Păng ăn ma khân păng ndơ sông sa rmeh ler.

Êsai 6:2

Phung sêraphim dâk pah kan jŭm Păng. Ăp nơm khân păng geh prao plơp năr, bar plơp nkŭm muh măt, bar plơp nkŭm jâng jêh ri bar plơp prăp mpăr.

Daniel 11:1

Bi gâp be, ntơm bơh năm rơh nguay tâm rnôk hađăch Darius bunuyh Mêdơ, gâp hŏ dâk gay kơl jêh ri ntop n'hâm suan ăn ma păng.

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Mathay 26:53

May ntôn lah Gâp mâu dơi hĕ dăn ma Mbơ̆ Gâp, jêh ri Păng mra njuăl rlau jât ma bar phung mpôl tông mpăr ăn ma Gâp gơnh ro?

Mathay 6:10

Ăn ƀon bri hađăch Mbơ̆ gơnh tât, Ăn nau May ŭch mra jêng, ta neh ntu tâm ban ma ta klơ trôk!

Luka 1:19

Tông mpăr plơ̆ lah: “Gâp jêng Gabriel, ƀaƀơ gŭ tanăp Brah Ndu. Gâp dơi njuăl văch gay lah đah may jêh ri mbơh Nau Mhe Mhan Ueh ma may.

ហេឞ្រើ 1:14

Mâu di hĕ lĕ rngôch phung tông mpăr jêng phung huêng brah pah kan, Brah Ndu njuăl hăn pah kan ma phung bunuyh dơn nau tâm rklaih hĕ?