Nau Mprơ Ơm 103:19 - Nau Brah Ndu Ngơi 2023

¹⁹ Brah Yêhôva rdâk jêh sưng hađăch Păng ta klơ lĕ ndâr trôk, Ƀon bri hađăch Păng chiă uănh lĕ rngôch ndơ.

Nau Mprơ Ơm 103:19 ပူးပေါင်းရင်းမြစ်များ

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

I Nau Rêh Jêng 29:12

Nđâp nau ndrŏng kuăng jêh ri nau chrêk rmah luh bơh Kôranh Brah. May chiă uănh ta klơ lĕ rngôch, nau brah jêh ri nau ktang gŭ tâm ti May. Ti May ăn nau yơk jêh ri nau ktang n'hâm suan ma lĕ rngôch bunuyh.

Nau Mprơ Ơm 11:4

Brah Yêhôva gŭ tâm ngih brah kloh ueh Păng; Sưng hađăch Păng gŭ tâm trôk. Măt Păng uănh, Sâng măt Păng sek uănh phung kon bunuyh.

Nau Mprơ Ơm 115:3

Brah Ndu he gŭ tâm klơ lĕ ndâr trôk; Păng ƀư lĕ rngôch nau Păng geh nau maak.

Nau Mprơ Ơm 2:4

Nơm gŭ tâm trôk mra gơm, Kôranh Brah mra mưch khân păng.

Nau Mprơ Ơm 47:2

Yorlah Brah Yêhôva Dŭt Prêh jêng khư bu klach yơk, Păng jêng Hađăch dŭt toyh ta klơ neh ntu.

Nau Mprơ Ơm 9:7

Ƀiălah Brah Yêhôva chiă uănh n'ho ro; Păng ndâk nkra sưng Păng gay ma phat dôih.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

ហេឞ្រើ 8:1

Nau khlay dôl he lah jêng: He geh du huê kôranh ƀư brah toyh lơn dŭt khlay, gŭ jêh mpeh pa ma sưng hađăch Nơm Dŭt Prêh ta klơ trôk,

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.