Nau Mprơ Ơm 103:14 - Nau Brah Ndu Ngơi 2023

¹⁴ Yorlah Păng gĭt mbă ndơ bu njêng he; Păng kah gĭt he jêng bơh ndruyh neh.

Nau Mprơ Ơm 103:14 ပူးပေါင်းရင်းမြစ်များ

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Ndrom Samƀŭt bơh Yôp 10:9

Dăn Kôranh Brah kah gĭt pô aơ May hŏ rli mon gâp bơh neh uk; Mâm aƀaơ May ŭch mplơ̆ tay gâp sĭt ma ndruyh neh?

Ndrom Samƀŭt bơh Yôp 13:25

Mâm May ŭch nkrit kơt n'ha si mpăr tâm sial, Jêh ri hăn tĭng du nkong rhe kro?

Ndrom Samƀŭt bơh Yôp 7:21

Mâm dĭng May mâu yô̆ an nau tih gâp, Sŏk lơi lĕ nau djơh mhĭk tâm gâp? Yorlah mâu hôm jŏ ôh gâp mra bê̆ch tâm neh; May mra tĭng joi gâp ƀiălah gâp mâu hôm ôh.”

Nau Mprơ Ơm 89:47

Ăn May kah gĭt ma nau rêh bunuyh jêng gleh ngăn! Păng njêng kon bunuyh jêng dơm dam ngăn!

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Êsai 29:16

Tâm rlơ̆ ngăn khân may: Mâm dĭng uănh nơm mon glah tâm ban ma neh uk? Mâm dĭng ndơ bu ƀư, lŏ lah ma nơm ƀư păng pô aơ: “Hŏ geh păng ƀư gâp”? Mâu lah du mlâm yăng lŏ lah ma nơm mon păng pô aơ: “Păng mâu geh nau gĭt rbăng ôh,” mâu geh?