Nau Mprơ Ơm 102:8 - Nau Brah Ndu Ngơi 2023

⁸ Ăp nar phung rlăng ƀư bêk ma gâp; Khân păng nsŭch jêh ri rak rtăp ma gâp.

Nau Mprơ Ơm 102:8 ပူးပေါင်းရင်းမြစ်များ

Nau Mprơ Ơm 2:1

Mâm ƀư lĕ bri dak geh nau uh ah? Jêh ri lĕ phung ƀon lan mĭn ŭch nau dơm dam?

Nau Mprơ Ơm 41:5

Phung rlăng gâp ngơi nau ƀai pô aơ: “Ndah jŏ păng mra khĭt? Ndah jŏ amoh păng mra rai yot?”

Nau Mprơ Ơm 55:3

Yor bâr troh dah phung rlăng Jêh ri nau tŭn jot phung ƀai. Yorlah khân păng djôt nau mhĭk tât ma gâp, Jêh ri tĭng nhŭp gâp ma nau nuih janh.

Nau Mprơ Ơm 69:20

Nuih n'hâm gâp chah rai yor bu ƀư nau prêng, Jêh ri gâp rêh ni ngăn. Gâp kâp gân nau yô̆ ƀiălah mâu saơ, Gâp joi nơm bonh leng ƀiălah mâu mâp.

Nau Mprơ Ơm 77:5

Gâp mĭn rvê ma nar kăl e Jêh ri lĕ năm rlau jêh.

Nau Mprơ Ơm 89:51

Ơ Brah Yêhôva, nây jêng nau bêk phung rlăng May dŏng jêh Gay ƀư nau bêk ăp nhuat bunuyh May troch jêh dak ngi.

Êsai 65:15

Bu mra prăp amoh săk khân may Gay ma phung Gâp săch jêh ƀư nau rak rtăp; Kôranh Brah Yêhôva mra nkhĭt khân may, Ƀiălah Păng mra rnha phung oh mon Păng ma amoh êng.

Yêrêmi 29:22

Lĕ rngôch phung Yuđa bu nhŭp veng leo gŭ tâm bri Babilôn mra sŏk bar hê aơ ƀư nau ngơi rak rtăp: ‘Dăn Brah Yêhôva rmal may nâm bu Y-Sêdêkia jêh ri Y-Ahap, jêng bar bunuyh hađăch Babilôn hŏ gŭch tâm ŭnh!’

Luka 6:11

Ƀiălah khân păng ji nuih hâu ngăn jêh ri tâm nchră băl gay klăp lah ƀư moh nau ma Brah Yêsu.

Kôranh Oh Mon 26:11

Gâp hăn ƀaƀơ lam lĕ ngih rƀŭn gay ma rmal khân păng jêh ri nchâp khân păng dun nau chroh; gâp ji nuih kŏ tât hăn ta ƀon phung bu năch gay ma ƀư djơh khân păng.

Kôranh Oh Mon 7:54

Khân păng ji nuih hâu ngăn tâm nuih n'hâm jêh ri rket sêk ma Y-Êtiên.

Samƀŭt Pôl Njuăl Ăn Ma Phung Nsing Ta Ƀon Rôm 15:3

Yorlah Brah Krist mâu mâp ƀư maak ma Păng nơm, tâm ban geh nau nchih: “Nau suai rak tă bơh phung mưch rmot ma May, tŭp jêh ta gâp.”