Nau Mprơ Ơm 102:21 - Nau Brah Ndu Ngơi 2023

²¹ Tâm ban pônây, bu mbơh amoh Brah Yêhôva tâm Siôn, Jêh ri mprơ tâm rnê Păng ta ƀon Yêrusalem,

Nau Mprơ Ơm 102:21 ပူးပေါင်းရင်းမြစ်များ

Nau Mprơ Ơm 22:22

Gâp mra mbơh amoh Kôranh Brah ma oh nâu gâp Jêh ri tâm rnê Kôranh Brah tâm nklang phung tâm rƀŭn.

Nau Mprơ Ơm 79:11

Ăn nau phung bu nă nter vơl tât tanăp May; Tĭng nâm nau brah May dŭt toyh ngăn ngên, Dăn tâm rklaih phung dôl tâm mâp đah nau khĭt.

Nau Mprơ Ơm 79:13

Bi hên jêng phung ƀon lan May jêh ri jêng phung biăp tâm ndrêch gơ̆ nse May, Hên mra tâm rnê ma May mro mrăng; Ntơm bơh rnôk aơ tât rnôk ri, hên mra mbơh nau mprơ tâm rnê ma May.

Nau Ngluh Êjipt 3:16

Hăn kuăl rgum hom phung kôranh bu ranh Israel jêh ri lah ma khân păng: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma gâp jêh ri lah: Gâp hŏ mât mơh ngăn khân may jêh ri saơ jêh lĕ nau bu ƀư ma khân may tâm n'gor Êjipt.

Nau Ngluh Êjipt 3:17

Gâp ton ngăn Gâp mra ngluh khân may bơh nau rêh ni tâm n'gor Êjipt jêh ri djôt leo khân may lăp ta n'gor phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit, jêng n'gor neh bêng ma dak toh jêh ri dak sŭt.’

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Êphêsô 3:21

Ăn Păng geh nau tâm rnê tâm Phung Ngih Brah Ndu jêh ri tâm Brah Yêsu Krist găn lĕ rngôch rô̆, ma tât ƀaƀơ n'ho ro! Amen.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.