Nau Mprơ Ơm 102:15 - Nau Brah Ndu Ngơi 2023

¹⁵ Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 102:15 ပူးပေါင်းရင်းမြစ်များ

I Phung Hađăch 8:43

pôri dăn Kôranh Brah ta klơ trôk, jêng ntŭk May gŭ, rkêng tôr iăt jêh ri ƀư ma khân păng lĕ nau khân păng mbơh sơm dăn ma May, gay ma lĕ rngôch phung ƀon lan ta neh ntu dơi gĭt năl amoh Kôranh Brah jêh ri klach yơk ma May nâm bu phung ƀon lan Israel May, jêh ri gay ma bu gĭt năl ngih brah aơ gâp ndâk jêh ma May bu ntơ tâm amoh May.

Nêhêmi 1:4

Nôk gâp tăng lĕ nau nây, gâp gŭ nhĭm nhhiăng, rngot rvê jŏ nar; gâp ât sông sa jêh ri mbơh sơm ma Brah Ndu klơ lĕ ndâr trôk dŭt prêh pô aơ:

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nêhêmi 2:3

Gâp lah ro ma hađăch: “Ăn hađăch gŭ rêh n'ho ro! Mâm dĭng măt gâp mâu rngot, tơlah ƀon, jêng ntŭk geh môch ma phung chô yau gâp gŭ, lĕ rai jêh, jêh ri lĕ rngôch mpông ƀon lĕ ŭnh sa jêh?”

Nau Mprơ Ơm 138:4

Ơ Brah Yêhôva, lĕ rngôch phung hađăch ta neh ntu mra tâm rnê ma May, Yorlah khân păng tăng jêh nau ngơi bơh bâr mbung May.

Nau Mprơ Ơm 72:11

Ăn lĕ rngôch phung hađăch mra chon mon tanăp hađăch; Lĕ rngôch mpôl băl mra pah kan ma hađăch.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 21:24

Phung mpôl băl bunuyh mra nhuat hăn tă bơh nau ang ƀon; phung hađăch tâm neh ntu mra djôt nau chrêk rmah khân păng nơm lăp ta nây.