Nau Mprơ Ơm 101:5 - Nau Brah Ndu Ngơi 2023

⁵ Nơm ndâp mpôn ngơi djơh ma phung chiau meng păng, Gâp mra mƀăr lơi. Bi ma phung geh măt n'hao êng nơm jêh ri nuih n'hâm sưr, Gâp mâu mra yô̆ ôh.

Nau Mprơ Ơm 101:5 ပူးပေါင်းရင်းမြစ်များ

Nau Mprơ Ơm 138:6

Nđâp tơlah Brah Yêhôva jêng dŭt prêh, ăt Păng treng uănh ma phung jê̆ janh; Ƀiălah ntơm bơh ngai, Păng gĭt năl jêh phung sưr.

Nau Mprơ Ơm 15:3

Păng geh mpiăt mâu ngơi nchơt, Mâu lĕ ƀư mhĭk ma mĭt jiăng, Mâu đŏng srih nau bêk prêng phung chiau meng păng;

Nau Mprơ Ơm 18:27

Kôranh Brah tâm rklaih phung dêh rhêt Ƀiălah n'glưh phung geh măt n'hao êng nơm.

Nau Mprơ Ơm 50:20

May gŭ ngơi kek ma phung oh nâu may, May ngơi nchơt ma kon bu klâu me may.

Nau Ngluh Êjipt 20:16

May mâu dơi ngơi nchơt ƀư mhĭk ma phung chiau meng may nơm.

Nau Ngluh Êjipt 23:1

“Lơi may nkoch bri nklă. May mâu dơi tâm rnglăp đah bunuyh mhĭk gay mbơh mƀruh.

Nau Hôr 10:18

Bunuyh pôn mo nau tâm rmot geh mbung mƀruh, Mbu nơm ngơi nchơt jêng bunuyh rluk mâl.

Nau Hôr 20:19

Mbu nơm nkoch bri njĭp vay rhi mpơl ro nau dŭt ndâp; Lơi may tâm rnglăp ôh ndrel ma phung vay ngơi âk ir.

Nau Hôr 21:4

Măt n'hao êng nơm, nuih n'hâm sưr rlau, Jêh ri ŭnh kađen phung mhĭk jêng nau tih da dê.

Nau Hôr 25:23

Sial nđik jêng mih, Bi mpiăt ngơi kek ma nau ndâp ƀư ăn muh măt ji nuih hâu ngăn.

Nau Hôr 30:13

Geh phung bunuyh geh măt nau sưr, Jêh ri n'gô măt n'hao êng mâm ƀư!

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsêkiêl 22:9

Ta ntŭk may, geh phung ngơi nchơt njêng nau ŭch pling mham; ta ntŭk may, geh phung ndrăp sông sa ta klơ lĕ rngôch yôk; ta nklang may, geh bunuyh ƀư tih văng tĭr.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Kan Lêvi 19:16

Mâu dơi tâm phong ta nklang phung mpôl băl, mâu đŏng ngơi nchơt mƀruh gay ƀư mhĭk nau rêh ma phung chiau meng. Gâp jêng Brah Yêhôva.

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

I Kôrintô 5:11

Ƀiălah nau gâp nchih ma khân may lơi tâm rnglăp ôh ma mbu nơm kơp êng păng nơm jêng oh nâu, ƀiălah păng jêng bunuyh văng tĭr, mâu lah kơnh rlau ir, mâu lah mbah rup brah, mâu lah suai rak, mâu lah nhŭl ndrănh, mâu lah ntŭng, mâu dơi sông sa ndrel ma bunuyh nâm nđĕ.

I Timôthê 3:11

Phung bu ur tâm ban lĕ, ăn gŭ ngao ueh, mâu ngơi mhĭk, ƀiălah di keh jêh ri gŭ răp jăp tâm lĕ rngôch ndơ.

Titus 2:3

Bu ur ranh kơt nây đŏng, ăn gŭ ngao ma nau kloh ueh, mâu ngơi mhĭk, mâu vay nhêt ndrănh. Ăn khân păng gĭt ntĭm nti ntil nau ueh jêh ri nau di

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.