Nau Mprơ Ơm 101:2 - Nau Brah Ndu Ngơi 2023

² Gâp mra gŭ rêh ma nau blau mĭn tĭng trong nŭm rĭng; Ndah jŏ May mra văch ma gâp? Gâp mra sŏk nuih n'hâm nanê̆ Gay ma gŭ tâm ngih gâp.

Nau Mprơ Ơm 101:2 ပူးပေါင်းရင်းမြစ်များ

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

I Phung Hađăch 11:4

Di ngăn, tơlah Y-Salômôn ranh jêh, phung ur hađăch nsŭk nuih n'hâm hađăch hăn tĭng phung brah êng. Nuih n'hâm hađăch mâu hôm răp jăp ôh đah Yêhôva Brah Ndu păng nơm nâm bu Y-Đavit, mbơ̆ hađăch,

I Phung Hađăch 9:4

Bi ma may, tơlah may chuat hăn panăp Gâp nâm bu Y-Đavit, mbơ̆ may, hŏ chuat hăn jêh, ma lĕ nuih n'hâm n'hêl nanê̆ jêh ri sŏng ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

II Nau Rêh Jêng 15:17

Nđâp tơlah ê hŏ mƀăr lơi ôh ntŭk prêh bơh n'gor Israel, ƀiălah Y-Asa ăt lĕ nuih n'hâm ma Kôranh Brah tâm du bông nau rêh păng.

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

Nau Mprơ Ơm 101:6

Măt gâp mra joi phung răp jăp tâm n'gor, Jêh ri ăn khân păng gŭ ndrel ma gâp; Mbu nơm hăn tĭng trong nŭm rĭng Mra pah kan gâp.

Nau Mprơ Ơm 119:106

Gâp hŏ sơm ton jêh ri ton nanê̆ pô aơ, Gâp mra djôt prăp lĕ nau vay May ƀư jêng sŏng srăng.

Nau Mprơ Ơm 119:115

Ơ phung ƀư mhĭk, du hom bơh gâp! Gay ma gâp djôt prăp nau vay Brah Ndu ntăm.

Nau Mprơ Ơm 26:11

Bi ma gâp, gâp mra chuat hăn tâm nau di, Dăn may chuai gâp jêh ri yô̆ nđach gâp ƀă.

Nau Mprơ Ơm 40:17

Gâp aơ jêng bunuyh o ach jêh ri pưt kƀah; Ƀiălah May kah gĭt ma gâp ƀaƀơ. May jêng Nơm kơl jêh ri tâm rklaih gâp. Ơ Brah Ndu gâp, lơi gŭ kâp jŏ ôh!

Nau Ngluh Êjipt 20:24

Ăn may ndâk ma Gâp nơng ƀư brah ma neh jêh ri ta klơ nây nhhơr ndơ ƀư brah gŭch, ndơ ƀư brah ma nau đăp mpăn, mâu lah biăp mâu lah ndrôk khân may. Ta ăp ntŭk Gâp mpơl amoh Gâp gay kah gĭt, Gâp mra văch jêh ri ăn nau ueh uĭn ma may.

Êsai 38:3

“Ơ Brah Yêhôva, dăn kah gĭt hom pô aơ gâp hôm chuat hăn răp jăp tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Nau Vay Nkah Tay 6:7

Ăn gơih ntĭm nti hom nau nây ma phung kon khân may, jêh ri nkah hom dôl khân may gŭ tâm vâl tâm ban ma nôk hăn trong, dôl khân may gŭ bê̆ch tâm ban ma nôk kah rngăl bê̆ch.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”

I Samuel 22:14

Y-Ahimalek lah ma hađăch: “Tâm mpôl phung oh mon may, mbu nơm jêng răp jăp nâm bu Y-Đavit, nơm jêng klay ma hađăch, jêh ri kôranh chiă uănh ma phung tahan gak njrăng may, jêh ri nơm bu yơk lơn tâm ngih may?