Nau Mprơ Ơm 100:1 - Nau Brah Ndu Ngơi 2023

¹ Ơ lĕ rngôch phung gŭ ta neh ntu, Sŏk hom bâr troh maak ma Brah Yêhôva!

Nau Mprơ Ơm 100:1 ပူးပေါင်းရင်းမြစ်များ

Nau Mprơ Ơm 145:1

Ơ Brah Ndu jêng Hađăch gâp, gâp mra yơk tâm rnê ma May, Mât ton ma amoh May tât ƀaƀơ n'ho ro.

Nau Mprơ Ơm 32:11

Hơi phung sŏng srăng, răm rhơn hom jêh ri hâk maak tâm Brah Yêhôva! Hơi lĕ rngôch mbu geh nuih n'hâm sŏng, nter maak hom!

Nau Mprơ Ơm 47:1

Hơi lĕ rngôch ntil mpôl bunuyh, tap ti hom! Troh hom nau maak ma Brah Ndu.

Nau Mprơ Ơm 47:5

Brah Ndu hao gŭ nklang bâr troh maak, Brah Yêhôva hao gŭ tâm bâr nŭng.

Nau Mprơ Ơm 66:1

Ơ lĕ neh ntu, Sŏk hom bâr troh maak ma Brah Ndu.

Nau Mprơ Ơm 66:4

Lĕ neh ntu mra yơk mbah ma May; Khân păng mprơ tâm rnê ma May, Khân păng mprơ tâm rnê ma amoh May.” (Sêla)

Nau Mprơ Ơm 67:4

Ăn lĕ rngôch bunuyh răm maak jêh ri hâk maak mprơ tâm rnê, Yorlah May mra phat dôih lĕ mpôl băl bunuyh ma nau sŏng Jêh ri njŭn leo lĕ bunuyh tâm neh ntu. (Sêla)

Nau Mprơ Ơm 68:32

Ơ lĕ ƀon bri hađăch ta neh ntu, mprơ tâm rnê hom ma Brah Ndu! Mprơ hom, tâm rnê ma Kôranh Brah kloh ueh! (Sêla)

Nau Mprơ Ơm 98:4

Ơ lĕ rngôch neh ntu, sŏk hom bâr troh maak ma Brah Yêhôva, Jêh ri mprơ mât ton ma Păng.

Sôphôni 3:14

Hơi kon bu ur Siôn, mprơ huy hom! Hơi Israel, nter bâr ngơi huy! Hơi kon bu ur ƀon Yêrusalem, Răm rhơn hom ma lĕ nuih n'hâm!

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Luka 19:37

Tơlah dăch tât sop ta yôk Ôlive, lĕ mpôl oh mon ntơm răm rhơn jêh ri tâm rnê ma Brah Ndu ma lĕ nau brah khân păng saơ jêh.

Samƀŭt Pôl Njuăl Ăn Ma Phung Nsing Ta Ƀon Rôm 15:10

jêh ri geh nau nchih: “Hơi phung bu năch, maak hom ndrel ma phung ƀon lan Kôranh Brah”

Nau Vay Nkah Tay 32:43

Hơi lĕ bri dak! Răm rhơn hom ndrel ma phung ƀon lan Kôranh Brah, Yorlah Păng mra plơng har mham bơh phung oh mon Păng, Plơng har ma phung rdâng đah Păng, Jêh ri yô̆ an nau tih ma n'gor jêh ri ma phung ƀon lan Păng.