Nau Mprơ Ơm 10:6 - Nau Brah Ndu Ngơi 2023

⁶ Păng lah tâm nuih n'hâm: “Gâp mâu mra mpât n'gơ; Gâp mâu mra mâp nau mhĭk tât.”

Nau Mprơ Ơm 10:6 ပူးပေါင်းရင်းမြစ်များ

Nau Mprơ Ơm 11:1

Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Nau Mprơ Ơm 14:1

Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch; Mâu geh du huê ƀư nau ueh ôh.

Nau Mprơ Ơm 15:5

Păng mâu ăn chan prăk sŏk kao, Mâu lĕ sŏk dơn ndơ blŏl gay ƀư mhĭk bunuyh mâu geh nau tih. Mbu nơm ƀư pônây Mâu mra mâp nau mpât n'gơ ôh.

Nau Mprơ Ơm 30:6

Bi ma gâp, tâm rnôk ndrŏng gâp geh lah pô aơ: “Gâp mâu mra mpât n'gơ ôh.”

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.

Êsai 47:7

Ay mĭn pô aơ: “Gâp mra jêng hađăch bu ur n'ho ro.” Ay mâu mâp mĭn ma lĕ nau aơ, Mâu lĕ ay mĭn ma nau mra tât ta kêng dŭt.

Êsai 56:12

Khân păng jă ndrăng khân păng: “Văch hom, gâp mra sŏk ndrănh, He mra nhŭl yor ndrănh dăng; Nar ôi taơ tâm ban đŏng ma nar aơ, Jêh ri nau khlay rlau lơn ma nĕ.”

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Mathay 24:48

Ƀiălah tơlah jêng oh mon djơh mhĭk, păng mĭn tâm nuih n'hâm păng pô aơ: ‘Kôranh gâp ê hŏ plơ̆ sĭt ro ôh;’

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

Nau Tâm Mpơl 18:7

Păng tâm rnê êng ma păng nơm jêh ri gŭ rêh dŭt ndrŏng dŭt maak, Ri mơ ƀư hom ma păng dơn nau rêh ni jêh ri nau klâng ndrê kơt nây đŏng. Yorlah păng lah tâm nuih n'hâm pô aơ: ‘Gâp gŭ jêh tâm ban ma hađăch bu ur! Gâp mâu di jêng bu ur ndrô, Gâp mâu mra geh nau klâng rvê ôh.’