Nau Mprơ Ơm 10:5 - Nau Brah Ndu Ngơi 2023

⁵ Trong păng geh jêng nau ndrŏng ƀaƀơ; Nau Kôranh Brah phat dôih prêh ngăn, păng mâu dơi gĭt rbăng; Păng mưch lĕ rngôch phung rlăng đah păng.

Nau Mprơ Ơm 10:5 ပူးပေါင်းရင်းမြစ်များ

Nau Ntơm 6:12

Brah Ndu uănh ma neh ntu, saơ khân păng tih mhĭk, yorlah lĕ rngôch bunuyh klơ neh tĭng nau rêh djơh mhĭk da dê.

II Samuel 5:6

Hađăch jêh ri phung tĭng ndô̆ păng hăn tât ta Yêrusalem, lơh phung Jêbusit, jêng phung ƀon lan gŭ tâm n'gor tơm. Khân păng lah ma Y-Đavit: “May mâu dơi văch lăp ta aơ ôh, phung chieh măt jêh ri phung rvĕn ăt tŏng nau ktang lơh mprơh may!” Khân păng mĭn: “Y-Đavit mâu dơi văch lăp ta aơ ôh.”

I Phung Hađăch 20:13

Nôk nây, geh du huê nơm mbơh lor hăn mâp Y-Ahap, hađăch Israel, jêh ri lah: “Brah Yêhôva lah: ‘May saơ đŏng lĕ rngôch phung tahan âk ngăn aơ? Uănh hom, nar aơ Gâp mra jao khân păng tâm ti may, jêh ri may mra gĭt ma Gâp jêng Brah Yêhôva.’”

Ndrom Samƀŭt bơh Yôp 24:23

Brah Ndu ăn khân păng rêh ueh mpăn, nâp, Ƀiălah măt Păng tĭng rmiăng tâm lĕ trong khân păng.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 73:3

Yorlah gâp saơ nau ndrŏng phung mhĭk Pôri gâp ji nuih ma phung sưr.

Nau Hôr 1:19

Nây jêng nau ơm nal ma phung kơnh sa drăp ndơ mâu geh nau sŏng; Phung geh drăp ndơ nây mra ƀư roh nau rêh khân păng nơm.

Nau Hôr 15:24

Trong nau rêh njŭn leo bunuyh blau mĭn hăn hao klơ, Gay der bơh ƀon phung khĭt gŭ dêh tâm dâng.

Nau Hôr 2:13

Jêh ri phung nây chalơi trong nau sŏng Ŭch hăn tĭng trong ngo klĕng;

Nau Hôr 2:15

Khân păng hăn kue tâm lĕ trong hăn, Jêh ri vĭ nhhơt jêh tâm lĕ trong khân păng nơm.

Nau Hôr 24:1

Lơi keh nach ôh đah phung mhĭk, Mâu lĕ ŭch gŭ ndrel ma khân păng.

Êsai 10:1

Rêh ni ngăn ma phung nchih nau vay mâu sŏng, Phung nchih nau vay dăp mâu di,

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Ndrom Samƀŭt bơh Ôsê 9:9

Khân păng lĕ rlâm rai jru hâu ngăn Nâm bu tâm lĕ nar Gibêa. Brah Ndu mra kah gĭt tay nau tih mhĭk khân păng, Jêh ri mra tâm rmal nau tih khân păng.

Samƀŭt Pôl Njuăl Ăn Ma Phung Nsing Ta Ƀon Rôm 3:16

Khân păng srih nau ƀư rai jêh ri nau rêh ni,

Phung Kôranh Phat Dôih 9:27

Khân păng hăn luh ta mir, pĕ krăk ƀâu tâm n'gar trao, kĭn păt ndrănh krăk ƀâu jêh ri ƀư nau nhêt sa. Khân păng lăp tâm ngih brah mhĭk sông sa nhêt, jêh nây rak rtăp ma Y-Abimêlek.

Phung Kôranh Phat Dôih 9:38

Y-Sêbul lah: “Trôm mbung may nơm lah: ‘Mbu moh Y-Abimêlek gay ma hên pah kan ma păng!’ Pônây, lĕ nau ngơi ntưih may aƀaơ ta ntŭk gŭ? Mâu di hĕ phung tahan aơ jêng phung may tâm rmot? Hăn luh hom tâm lơh đah khân păng!”