Nau Mprơ Ơm 10:3 - Nau Brah Ndu Ngơi 2023

³ Yorlah phung mhĭk tâm rnê ma nuih n'hâm khân păng ŭch; Phung ndơm kơnh ma nau suai rak jêh ri dun Brah Yêhôva.

Nau Mprơ Ơm 10:3 ပူးပေါင်းရင်းမြစ်များ

I Phung Hađăch 20:25

jêh nây săch du phung tahan tâm ban ma phung tahan lĕ roh jêh, nđâp ma seh jêh ri ndeh seh dơi ban tơ̆ lor. He mra tâm lơh đah phung Israel tâm neh lâng, nanê̆ ngăn he mra dơi tâm lơh.” Hađăch tăng nau nây jêh ri ƀư tĭng nâm nau phung oh mon.

Ndrom Samƀŭt bơh Yôp 31:24

Tơlah gâp nsing ma mah, Mâu lah kuăl mah chrêk jêng ntŭk gâp nsing rnơm;

Nau Mprơ Ơm 35:21

Khân păng hă mbung gay rdâng ma gâp. Jêh ri lah: “Ha, ha! Măt he hŏ saơ jêh nau nây.”

Nau Mprơ Ơm 49:18

Nđâp tơlah dôl hôm gŭ rêh, bunuyh nây kơp êng păng nơm jêng geh nau ueh uĭn, Jêh ri dơi bu tâm rnê dôl păng ndrŏng.

Nau Mprơ Ơm 49:6

Khân păng rnơm nsing ma drăp ndơ khân păng nơm, Ntưih êng nơm geh drăp ndơ âk rmeh.

Nau Mprơ Ơm 5:6

Kôranh Brah ƀư rai lơi phung ngơi mƀruh; Brah Yêhôva uănh ji ngăn phung ji hir mham jêh ri phung ƀư nau ndơm.

Nau Mprơ Ơm 52:1

Hơi bunuyh janh ktang, mâm ƀư may ntưih êng ma nau janh? Nau ueh Brah Ndu hôm mro mrăng.

Nau Mprơ Ơm 94:4

Khân păng ngơi lĕ nau sưr; Lĕ rngôch phung mhĭk ngơi blă blơ da dê.

Nau Ngluh Êjipt 15:9

Phung rlăng lah: ‘Gâp hăn tĭng, gâp mra ban; Gâp mra tâm pă ndơ pit sŏk. Nau gâp kơnh mra dơi mpay. Gâp tŏk đao; ti gâp mra ƀư rai khân păng.’

Nau Hôr 28:4

Phung chalơi nau vay tâm rnê ma phung djơh, Bi ma phung mât prăp nau vay tâm rdâng đah khân păng.

Nơm Nti 7:15

Tâm lĕ nar dơm dam gâp, gâp hŏ saơ lĕ rngôch ăp ntil nau: Bunuyh sŏng srăng gơnh khĭt, nđâp lah rêh sŏng srăng; Bi phung djơh mhĭk dơi rêh jŏ năm, nđâp lah gŭ rêh djơh mhĭk.

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Habakuk 2:9

Rêh ni ngăn ma nơm joi sa kao mâu tâm di nsĭt ma ngih vâl păng, Gay ƀư ntŭk gŭ ma păng nơm ta ntŭk prêh klơ, Ŭch ma klaih bơh ti phung mhĭk.

Luka 12:15

Păng lah ma khân păng: “Rjăp hom, uănh njrăng lĕ rngôch ndơ kơnh rlau ir, yorlah nau rêh kon bunuyh mâu jêng yor ma drăp ndơ păng nơm geh âk rmeh ôh.”

Luka 12:19

Gâp mra lah ma huêng gâp pô aơ: Hơi huêng gâp, may geh âk drăp ndơ prăp jêh âk năm jêh. Gŭ rlu hom, sông sa nhêt, jêh ri răm maak hom.’

Samƀŭt Pôl Njuăl Ăn Ma Phung Nsing Ta Ƀon Rôm 1:29

Khân păng bêng ma ăp ntil nau kue, nau tih mhĭk, nau kơnh, nau ƀai; nuih n'hâm bêng ma nau keh nach, nau nkhĭt bunuyh, nau tâm lah tâm djrel, nau mƀruh nchơt, nau hăt janh;

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

I Kôrintô 6:10

Lơi ta ndơm mƀruh khân may nơm. Phung văng tĭr, phung mbah rup brah, phung tâm lâm, bu klâu ndrăng bu klâu jêh ri bu ur ndrăng bu ur, phung ntŭng, phung kơnh rlau ir, phung nhŭl ndrănh, phung dăng suai rak, phung ntŭng, mâu mra dơi dơn ƀon bri hađăch Brah Ndu ôh.

Êphêsô 5:5

Ăn khân may gĭt rah vah ma phung bunuyh văng tĭr, mâu kloh ueh, mâu lah kơnh rlau keh — kơnh rlau keh jêng mbah rup brah — mâu geh du huê dơi dơn drăp ndơn tâm ƀon bri hađăch Brah Krist jêh ri Brah Ndu ôh.

Nau Vay Nkah Tay 29:19

Mbu moh tăng lĕ nau ton aơ, pôri lơi lah ôh tâm nuih n'hâm păng pô aơ: ‘Gâp mra dơi geh nau đăp mpăn, nđâp lah gâp geh dăng nuih n'hâm hăn tĭng êng trong gâp nơm,’ nâm bu kơt nây đŏng neh bŏk lĕ rdu hêng tâm ban ma neh ndruyh.

Nau Vay Nkah Tay 32:19

Brah Yêhôva saơ nau nây jêh ri chalơi khân păng Yor phung kon bu klâu, bu ur Păng hŏ nsônh nau Păng ji nuih.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

Yakơ 4:13

Aƀaơ aơ, hơi oh nâu jêng phung bunuyh dôl lah: “Nar aơ mâu lah nar ôi taơ he mra hăn ta du ƀon ri, gŭ ta nĕ du năm, tăch rgâl jêh ri sa drăp.”

Yakơ 4:16

Ƀiălah aƀaơ khân may sưr rlau ngơi nklă! Lĕ rngôch nau sưr kơt nĕ jêng mhĭk.

I Yôhan 2:15

Lơi rŏng ma neh ntu ôh ndrel ma lĕ ndơ tâm neh ntu. Tơlah du huê rŏng ma neh ntu nau Brah Ndu Mbơ̆ rŏng mâu gŭ tâm păng ôh.

Phung Kôranh Phat Dôih 17:2

Păng lah ma mê̆ păng: “Yorlah du rbăn du rhiăng glo prăk bu sŏk tă bơh ay jêh ri yor ndơ nây ay ngơi jêh nau rak rtăp, jêh ri tôr gâp hŏ tăng jêh. Aơ, prăk nây gŭ ndrel ma gâp, gâp yơh sŏk păng.” Mê̆ păng lah: “Dăn ma Brah Yêhôva ăn nau ueh lăng ma kon!”

I Samuel 23:21

Y-Sôl lah: “Dăn ma Brah Yêhôva ăn nau ueh uĭn ma khân may, yor khân may geh nuih n'hâm yô̆ nđach ma gâp!