Nau Mprơ Ơm 10:14 - Nau Brah Ndu Ngơi 2023

¹⁴ Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 10:14 ပူးပေါင်းရင်းမြစ်များ

Nau Ntơm 21:17

Brah Ndu tăng bâr kon se nhĭm, tông mpăr Brah Ndu bơh klơ trôk kuăl H'Agar jêh ri lah: “H'Agar, moh geh nau ma ay? Lơi klach ôh! Yorlah Brah Ndu lĕ tăng jêh bâr kon se jê̆ nhĭm ta ntŭk păng gŭ nây.

Nau Ntơm 31:12

Tông mpăr lah: ‘N'gơr hom măt may jêh ri uănh, lĕ rngôch be nkuăng tâm gar đah be me geh mpor da dê, geh rvanh ƀrưnh, jêh ri geh ƀlak, yorlah Gâp saơ lĕ nau Y-Laban hŏ ƀư ma may.

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

II Phung Hađăch 9:26

‘Brah Yêhôva lah: Nanê̆ ngăn, yorlah nđaơ Gâp hŏ saơ jêh mham Y-Nabôt jêh ri phung kon bu klâu păng pling mham, pôri Gâp mra nhŭp may mplơ̆ hom nau tih ƀư nkhŭt mham ta mir nây.’ Brah Yêhôva phat dôih kơt nĕ. Pôri aƀaơ djôt leo hom săk jăn păng mƀăr lơi tâm mir nây, di nâm Brah Yêhôva ngơi jêh.”

II Nau Rêh Jêng 24:22

Pônây, hađăch Jôas mâu knŏng chuêl jêh nau yô̆ Y-Jêhôida, mbơ̆ Y-Sakari, hŏ ƀư jêh ma păng, ƀiălah hôm nkhĭt đŏng kon bu klâu păng. Nôk dăch khĭt, Y-Sakari lah: “Dăn Brah Yêhôva sek uănh jêh ri plơng bôk!”

II Nau Rêh Jêng 6:23

rnôk nây dăn ma May klơ trôk rkêng tôr iăt jêh ri ƀư an. Dăn phat dôih ma phung oh mon May: mplơ̆ plơng ma bunuyh mhĭk tĭng nâm trong păng jêh ri ƀư ma nau tih păng nkhŭt tay klơ bôk păng nơm, kơp nau sŏng srăng ma bunuyh nơm sŏng srăng jêh ri nkhôm ma păng tĭng nâm nau sŏng srăng păng.

Nau Mprơ Ơm 146:9

Brah Yêhôva king n'gang phung bu năch, Kơl rđâng phung kon đơi jêh ri bu ur ndrô, Ƀiălah Păng ƀư rai lơi trong phung ƀai.

Nau Mprơ Ơm 22:11

Lơi ta gŭ ngai đah gâp Yorlah nau rêh ni dăch jêh, Jêh ri mâu geh du huê bunuyh sâm kơl.

Nau Mprơ Ơm 31:8

Kôranh Brah mâu jao gâp tâm ti phung rlăng ôh, Ƀiălah dơm jâng gâp tâm ntŭk huy.

Nau Mprơ Ơm 35:22

Ơ Brah Yêhôva! May hŏ saơ jêh nau nây, lơi ta gŭ rklăk ôh. Ơ Kôranh Brah! Lơi ta gŭ ngai đah gâp.

Nau Mprơ Ơm 55:22

Jao hom nau may anh jâk ma Brah Yêhôva, Păng mra kơl rdâng may; Păng mâu mra ăn phung sŏng srăng geh nau mpât n'gơ.

Nau Mprơ Ơm 68:5

Brah Ndu gŭ ntŭk kloh ueh Păng, Jêng mbơ̆ ma phung kon đơi jêh ri Nơm N'gang ma bu ur ndrô.

Nau Mprơ Ơm 68:6

Brah Ndu ƀư ma phung rêh rngloi geh ngih gŭ, Njŭn phung dĭk bu tât ma nau ndrŏng kuăng, Ƀiălah ăn phung mâu gŭ răp jăp mra gŭ tâm neh sơh.

Nau Ngluh Êjipt 2:25

Brah Ndu treng uănh phung ƀon lan Israel jêh ri gĭt nanê̆ ngăn nau tât ma khân păng.

Nau Ngluh Êjipt 22:22

Khân may lơi tŭn jot ôh du huê bu ur ndrô mâu lah ma du huê kon đơi.

Nau Ngluh Êjipt 22:26

Tơlah khân may sŏk du blah ao jong nơm chiau meng khân may jêng ndơ nchăm, nsĭt hom ao nây ma khân păng êlor ma nar nhâp;

Nau Hôr 15:25

Brah Yêhôva ƀư rlâm lơi ngih phung sưr, Ƀiălah Păng king nâp n'har bri bu ur ndrô.

Nau Hôr 15:3

Măt Brah Yêhôva uănh tâm lam ntŭk, Sek uănh phung djơh mhĭk jêh ri phung ueh.

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Yêrêmi 16:17

Yorlah măt Gâp kâp uănh tâm lĕ trong khân păng. Khân păng mâu dơi du ôh bơh măt Gâp, jêh ri nau tih khân păng mâu đŏng dơi king măt Gâp.

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Yêrêmi 49:11

Chalơi hom phung kon đơi may, Gâp nơm mra king n'gang nau rêh khân păng; Phung bu ur ndrô khân may nsing hom ma Gâp!”

Yêrêmi 51:56

Yorlah nơm ƀư rai hŏ văch tât jêh Tâm lơh đah Babilôn. Phung ktang păng bu nhŭp da dê, Na khân păng pă jêh; Yorlah Yêhôva jêng Brah Ndu nkhôm tâm rmal, N'hêl nanê̆ Păng mra plơng bôk ma nau di.

Nau Nhĭm Vơl 3:59

Ơ Brah Yêhôva, May hŏ saơ jêh nau bu tŭn jot; Dăn May sek uănh nau sŏng ma gâp!

Nau Nhĭm Vơl 3:60

May hŏ saơ jêh lĕ nau ŭch mĭn plơng bôk Jêh ri lĕ rngôch nau khân păng ŭch ƀư tâm rdâng đah gâp.

Ndrom Samƀŭt bơh Ôsê 14:3

Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Yôel 3:4

Hơi ƀon Tyre jêh ri Sidôn ndrel ma lĕ rngôch nkual neh Philistin, moh khân may jêng ma Gâp? Di lĕ khân may ŭch plơng bôk ma Gâp? Tơlah kơt nây Gâp mra ăn nau khân may ƀư nkhŭt tay ta klơ bôk khân may nơm gơnh ro jêh ri ƀât lât.

Habakuk 1:13

Măt Kôranh Brah kloh ir mâu dơi uănh ôh nau mhĭk, Mâu dơi uănh ntreng ôh nau tih mhĭk. Mâm ƀư May uănh ma phung ƀư nau mƀruh nchơt? Mâm ƀư May gŭ klăk klêm, Lah bunuyh mhĭk sa rvăn bunuyh sŏng srăng lơn ma păng?

Nau Vay Nkah Tay 10:18

Păng ƀư nau di ma phung kon đơi, ma bu ur ndrô, rŏng ma bunuyh gŭ njưh ƀât lât, ăn ma khân păng piăng let sa jêh ri bok ao nsoh.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

I Pêtrôs 4:19

Pôri, phung dơn nau rêh ni tĭng nâm nau Brah Ndu ŭch, thoi đŏng ƀư nau ueh jêh ri jao huêng khân păng nơm ma Nơm Rhăk Njêng răp jăp.

I Pêtrôs 5:7

Jao hom lĕ nau rngot klâng khân may nơm ma Păng, yorlah Păng mât mray khân may ƀaƀơ.

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.