Nau Mprơ Ơm 1:3 - Nau Brah Ndu Ngơi 2023

³ Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 1:3 ပူးပေါင်းရင်းမြစ်များ

Nau Ntơm 39:23

Kôranh bu nă mâu hôm ôh rvê rvănh, yor lĕ nau kan hŏ jao jêh ma Y-Yôsep ƀư, yorlah Brah Yêhôva kâp kơl ma păng ma lĕ nau kan păng ƀư dơi jêng jêh da dê.

Nau Ntơm 39:3

Kôranh păng saơ đŏng Brah Yêhôva kâp kơl păng jêh ri ƀư ăn lĕ kan ti păng ƀư dơi chăt jêng da dê.

II Phung Hađăch 18:7

Yor ri, Brah Yêhôva gŭ ndrel păng, ăp nau păng ƀư, păng geh nau dơi. Păng dâk tâm rdâng dah hađăch Asiri, mâu tông bâr ma păng ôh.

I Nau Rêh Jêng 22:11

Aơ kon bu klâu gâp, aƀaơ, dăn Brah Yêhôva gŭ n'hanh may jêh ri kơl may geh nau dơi tâm kan ndâk ngih brah ma Yêhôva Brah Ndu may, tĭng nâm nau Păng ngơi jêh ma may.

I Nau Rêh Jêng 22:13

Tơlah may njrăng tĭng lĕ nau vay dăp jêh ri lĕ nau vay ƀư bơh Brah Yêhôva hŏ ngơi jêh ma Y-Môis ntăm ma phung Israel, may mra geh nau dơi. Dăng ktang hom jêh ri nâp nuih n'hâm! Lơi klach ôh, lơi rdja nuih ôh!

II Nau Rêh Jêng 31:21

Tâm lĕ kan hađăch ƀư, bơh nau pah kan tâm ngih Brah Ndu tât nau djôt prăp nau vay mâu lah nau vay ntăm, păng tĭng joi Brah Ndu ma lĕ nuih n'hâm, rĭ dĭng păng dơi chăt jêng.

II Nau Rêh Jêng 32:23

Geh âk bunuyh djôt leo ndơ nhhơr ma Brah Yêhôva ta Yêrusalem, jêh ri âk ndơ khlay ăn ma Y-Hêsêkia, hađăch Yuđa. Ntơm bơh nôk nây tât ô klak, âk bri dak yơk ma păng.

Ndrom Samƀŭt bơh Yôp 14:9

Mbăt ma geh n'hôl dak, păng mra chăt nkeh ro, N'gĭng hung nâm bu du tơm si nse.

Ndrom Samƀŭt bơh Yôp 22:28

Moh nau kan may ŭch ƀư, nau kan nây mra dơi jêng; Nau ang sol nchrat trong may hăn.

Nau Mprơ Ơm 128:2

Yorlah may mra sa play bơh kan ti may ƀư, Geh nau ueh maak jêh ri geh nau ƀŭn lap.

Nau Mprơ Ơm 129:8

Phung rgăn ta nây mâu lah lĕ: “Dăn Brah Yêhôva ăn nau ueh uĭn ma khân may! He tâm amoh Brah Yêhôva mât ton ma khân may.”

Nau Mprơ Ơm 92:14

Nđâp tơlah tât ranh, khân păng mra hôm e luh kao play, Chăt jêng jêh ri ndrêh ueh.

Nau Mprơ Ơm 92:15

Gay tâm mpơl ma Brah Yêhôva jêng sŏng; Păng jêng lŭ toyh ma gâp, jêh ri tâm Păng mâu geh du ntil nau kue ôh.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Êsai 44:4

Khân păng mra hon ta nklang gơ̆, Tâm ban ma tơm si yôr dăch n'hor dak hoch.

Êsai 58:11

Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Yêrêmi 17:8

Bunuyh nây nâm bu tơm si tăm gŭ kơh dak n'hor, Hon reh tĭng n'hor dak hoch; Mâp trôk duh ăt mâu klach ôh N'ha ăt ndrêh ueh. Mâp năm prăng phang mâu đŏng rvê ir lĕ Ăt luh play mâu rlu ôh.

Êsêkiêl 17:8

Tơm krăk ƀâu dơi tăm tâm neh ueh dăch ntŭk âk dak gay ma gơnh geh n'gĭng âk play, jêh ri jêng du tơm krăk ƀâu ueh reh.’

Êsêkiêl 19:10

Mê̆ may jêng nâm bu du tơm krăk ƀâu tâm mir Tăm jêh dăch n'hor dak. Âk n'gĭng play glet, Yor geh âk dak.

Êsêkiêl 31:5

Yor ri, tơm si sêdar nây Prêh lơn ma lĕ rngôch tơm si tâm mir, N'gĭng n'ha pŭm ngăn, N'gĭng păng vơr jong ngăn Yor geh âk dak.

Êsêkiêl 47:12

Ta klơ kơh dak krong nây, đah aơ jêh ri đah ri, mra hon geh ăp ntil tơm si geh play sa, n'ha păng mâu blau kro ôh jêh ri play păng mâu tăch yơt lĕ. Ăp khay, khân păng mra geh play mhe, yorlah dak hoch luh tă bơh ntŭk kloh ueh djrah ăn ma khân păng. Play păng dŏng gay ma sa, n'ha păng prăp ma ƀư dak si.”

Nau Kơp Bunuyh 24:6

Nâm bu rlŭng lĭ lam, Nâm bu n'gar trao ta meng kơh dak krong, Nâm bu tơm si alôê Brah Yêhôva hŏ tăm, Nâm bu tơm si sêdar ta meng n'hor dak.

Mathay 13:6

Ƀiălah nôk geh nar luh, duh nđat păng kro ro, yorlah mâu geh reh.

Mathay 21:19

Saơ du tơm rvi ta trong, Păng hăn dăch tơm nây, ƀiălah mâu saơ play knŏng n'ha dơm. Păng lah ma tơm play nây: “May mâu mra hôm play đŏng ôh!” Tơm rvi kro ro.

Mathay 21:34

Tât yan pĕ play krăk ƀâu, kôranh njuăl phung oh mon văch ta lĕ bunuyh tăm krăk ƀâu gay sŏk kao play.

Mathay 21:41

Khân păng plơ̆ lah: “Păng mra nkhĭt khĭt phung djơh mhĭk nây ma nau rêh ni ji klâng, jêh ri păng ăn ma phung tăm krăk ƀâu êng nkhôm, jêng phung mra chê̆ kao play ma păng di yan pĕ play.”

Yôhan 15:6

Lah mbu nơm mâu gŭ tâm Gâp, bu klŭp padih tâm ban ma n'gĭng krăk ƀâu jêh ri kro, bu dônh mƀăr tâm ŭnh, ăn ŭnh sa păng.

Nau Vay Nkah Tay 28:8

Brah Yêhôva mra ăn nau ueh lăng tâm jay ba khân may jêh ri tâm lĕ rngôch kan ti khân may ƀư. Păng mra ăn nau ueh uĭn ma khân may tâm n'gor Yêhôva Brah Ndu ăn ma khân may.

Yuđas 1:12

Phung bunuyh nây jêng ndơ ƀơ̆ tâm nau nhêt sa rŏng khân may; khân păng ăt janh nhêt sa blă blơ nhŭl ndrănh ndrăng khân păng, jêh ri knŏng gĭt rvê ma khân may nơm. Khân păng jêng ndâr tŭk mâu geh dak, sial khôm rdu; khân păng jêng lĕ tơm si mâu geh play lôch yan, bar tơ̆ khĭt, đôk tŏk lŏk reh.

Nau Tâm Mpơl 22:2

hoch ta nklang trong ƀon nây. Bar đah kơh dak krong geh tơm si nau rêh geh play jât ma bar yan, ăp khay geh play du tơ̆; jêh ri n'ha si nây prăp ma ƀư bah phung mpôl băl bunuyh.