Nau Kơp Bunuyh 9:16 - Nau Brah Ndu Ngơi 2023

¹⁶ Nôk nar, ndâr tŭk nkŭm Ngih Bok jêh ri păng tâm ban ma ndâr ŭnh tâm dôl măng, kŏ tât geh mro mrăng kơt nĕ.

Nau Kơp Bunuyh 9:16 ပူးပေါင်းရင်းမြစ်များ

Nêhêmi 9:12

Nôk nar Kôranh Brah njŭn leo khân păng ma n'gâng tŭk Jêh ri bri măng ma n'gâng ŭnh gay nchrat ang tâm trong khân păng hăn rgăn.

Nêhêmi 9:19

Kôranh Brah ăt yô̆ nđach, mâu chalơi ôh khân păng tâm bri rdah. N'gâng tŭk njŭn trong nôk nar, mâu nkhah bơh khân păng, N'gâng ŭnh nchrat ang dôl bri măng ta klơ trong ăn khân păng dơi hăn.

Nau Mprơ Ơm 105:39

Brah Yêhôva ăn ndâr tŭk gay nkŭm khân păng, Jêh ri dôl măng geh ŭnh sol trong khân păng.

Nau Mprơ Ơm 78:14

Păng njŭn khân păng nôk nar ma ndâr tŭk, Jêh ri lĕ dôl măng ma ŭnh ang.

Nau Ngluh Êjipt 40:34

Jêh nây geh du ndâr tŭk nkŭm Ngih Bok Nau Tâm Rƀŭn jêh ri nau chrêk rmah Brah Yêhôva bêng Ngih Bok.

Nau Ngluh Êjipt 40:38

Yorlah tâm lĕ nar khân păng hăn trong, ndâr tŭk Brah Yêhôva gŭ ta klơ Ngih Bok nôk nar jêh ri geh ŭnh tâm ndâr tŭk nôk măng tanăp măt lĕ rngôch ngih Israel.

I Kôrintô 10:1

Hơi oh nâu, gâp ŭch khân may gĭt ma lĕ rngôch phung chô yau he gŭ jêh tâm ndâr tŭk da dê; lĕ rngôch khân păng rgăn jêh dak mƀŭt;

II Kôrintô 5:19

Nây jêng, tâm Brah Krist, Brah Ndu ăn ma neh ntu geh nau tâm nsĭr đah Păng, mâu hôm kơp nau tih ma kon bunuyh ôh, jêh ri Păng jao ma hên nau mbơh ma nau tâm nsĭr.

Nau Vay Nkah Tay 1:33

jêng Nơm hăn lor ma khân may tâm lĕ trong gay joi du ntŭk ăn ma khân may ndâk ngih bok; dôl măng gŭ tâm ŭnh, dôl nar gŭ tâm ndâr tŭk gay ntĭm trong ma khân may mra hăn.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.