Nau Kơp Bunuyh 8:6 - Nau Brah Ndu Ngơi 2023

⁶ “Prăp êng hom phung Lêvi bơh ta nklang phung Israel jêh ri ƀư nau rƀŭn ăn khân păng dơi kloh.

Nau Kơp Bunuyh 8:6 ပူးပေါင်းရင်းမြစ်များ

II Nau Rêh Jêng 29:11

Ơ phung kon bu klâu gâp ơi, lơi ta brơl rlach ôh! Yorlah Brah Yêhôva hŏ săch jêh khân may jêng oh mon Păng gay gŭ dâk panăp Păng, pah kan jêh ri su ndơ ƀâu kah ma Păng.”

Nau Ngluh Êjipt 19:15

Păng ntăm ma phung ƀon lan: “Ăn khân may ndrăp kŏ tât nar tal pe. Lơi ta khân may bê̆ch ndrel ma du huê bu ur ôh.”

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Kan Lêvi 14:11

Kôranh ƀư brah nơm ƀư nau rƀŭn ƀư kloh mra djôt bunuyh dơi geh nau ƀư kloh jêh ri lĕ ndơ nhhơr aơ tanăp Brah Yêhôva ta mpông Ngih Bok Nau Tâm Rƀŭn.

Malachi 3:3

Păng mra gŭ nâm bu bunuyh blau chiăr prăk jêh ri tôl ăn chrêk; Păng mra jut lơi nau ƀơ̆ bơh phung kon bu klâu Lêvi, ăn khân păng chrêk kloh nâm bu mah jêh ri prăk. Khân păng mra nhhơr ndơ nhhơr ƀư brah ma Brah Yêhôva tâm nau sŏng srăng.

Nau Kơp Bunuyh 3:6

“Djôt leo hom ndŭl mpôl Lêvi tâm mpơl măt panăp kôranh ƀư brah Y-Arôn gay pah kan ma păng.

Nau Kơp Bunuyh 8:5

Brah Yêhôva lah ma Y-Môis:

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Nau Vay Nkah Tay 10:8

Dôl nây, Brah Yêhôva prăp êng ndŭl mpôl Lêvi tung Hip Nau Tâm Rnglăp bơh Brah Yêhôva, gŭ tanăp Brah Yêhôva, gay pah kan ma Păng jêh ri sŏk amoh Păng gay ăn nau ueh uĭn, kŏ tât ta nar aơ.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;