Nau Kơp Bunuyh 8:12 - Nau Brah Ndu Ngơi 2023

¹² Phung Lêvi mra pah ti ta klơ bôk lĕ bar mlâm ndrôk nkuăng jêh ri may nhhơr hom du mlâm jêng ndơ ƀư brah chuai nau tih, du mlâm êng dŏng ma ndơ ƀư brah gŭch ma Brah Yêhôva, gay chuai nau ƀư kloh nau tih ma phung Lêvi.

Nau Kơp Bunuyh 8:12 ပူးပေါင်းရင်းမြစ်များ

Nau Ngluh Êjipt 29:10

Ăn may njŭn ndrôk nkuăng rah panăp Ngih Bok Nau Tâm Rƀŭn. Y-Arôn jêh ri phung kon bu klâu păng pah ti ta klơ bôk ndrôk

Kan Lêvi 1:4

Bunuyh nhhơr ndơ nhhơr mra dơm ti păng ta klơ bôk mpa ƀư ndơ ƀư brah gŭch jêh ri mpa nây mra dơi dơn nâm bu du mpa ƀư brah gay chuai nau tih ntang an ma bunuyh nây.

Kan Lêvi 14:22

bar mlâm sĭm ntơp mâu lah du kôp sĭm plŭk, tĭng nâm nau dơi, du mlâm dŏng ƀư ndơ ƀư brah chuai nau tih, du mlâm êng dŏng ƀư ndơ ƀư brah gŭch.

Kan Lêvi 16:11

Pôri, Y-Arôn mra djôt ndrôk jêng mpa ƀư brah chuai nau tih ma păng nơm jêh ri nkhĭt ndrôk nây gay ƀư nau rƀŭn chuai nau tih ma păng nơm jêh ri ma ngih păng nơm.

Kan Lêvi 16:21

Y-Arôn lĕ bar ti păng pah ta klơ bôk be nkuăng hôm rêh nây, jêh ri mbơh lĕ rngôch nau djơh mhĭk phung ƀon lan Israel, jêh ri lĕ rngôch nau ƀư tih jêh ri nau tih khân păng, jêh ri dơm lĕ rngôch nau tih nây ta bôk be, jêh nây jao păng ma du huê bunuyh bu hŏ jao kan gay têk njŭn păng leo tâm bri rdah jêh ri mƀơk păng luh.

Kan Lêvi 16:6

Y-Arôn mra nhhơr ndrôk jêng ndơ ƀư brah chuai nau tih ma păng nơm jêh ri nkra nau rƀŭn chuai nau tih ma păng nơm jêh ri ma ngih păng nơm.

Kan Lêvi 4:15

Phung bu ranh tâm phung Israel mra pah ti ta bôk ndrôk jêh nây nkhĭt păng tanăp Brah Yêhôva.

Kan Lêvi 4:20

Ăn kôranh ƀư brah toyh lơn nhhơr ndrôk nây tâm ban ma nau bu nhhơr ndrôk tâm nau rƀŭn chuai nau tih. Tâm ban pônây, kôranh ƀư brah mra chuai nau tih ăn ma phung tâm rƀŭn jêh ri nau tih khân păng mra dơi yô̆ an.

Kan Lêvi 4:35

Păng ăt hoal lĕ rngôch ngi tâm ban ma nau bu ƀư ma biăp kon nhhơr tâm ndơ ƀư brah đăp mpăn jêh nây djôt gŭch mpa nây ta klơ nơng ƀư brah, nđâp ma lĕ ndơ ƀư brah ăn ŭnh sa nhhơr ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.”

Kan Lêvi 4:4

Nơm nây mra têk ndrôk nây tât ta bôk mpông Ngih Bok Nau Tâm Rƀŭn tanăp Brah Yêhôva, pah ti ta bôk ndrôk jêh nây nkhĭt păng tanăp Brah Yêhôva.

Kan Lêvi 5:7

Ƀiălah tơlah păng mâu dơi tŏng nau nhhơr du mlâm kon biăp me mâu lah du mlâm kon be me gay ntrok nau tih păng hŏ ƀư jêh, ăn păng nhhơr ma Brah Yêhôva du kôp sĭm ntơp mâu lah du kôp plŭk kon: du mlâm dŏng ƀư ndơ ƀư brah chuai nau tih, du mlâm êng dŏng ƀư ndơ ƀư brah gŭch.

Kan Lêvi 8:14

Păng đă têk đŏng ndrôk gay ƀư ndơ ƀư brah chuai nau tih. Y-Arôn jêh ri phung kon bu klâu păng pah ti ta klơ bôk ndrôk.

Kan Lêvi 8:15

Y-Môis nkhĭt păng, jêh nây dŏng nglau ti sŏk mham mhĭng ta lĕ nke jŭm nơng ƀư brah, ƀư kloh nơng ƀư brah, jêh ri nkhŭt mham hôm e tâm dâng jâng nơng ƀư brah. Kơt nĕ, Y-Môis hŏ prăp êng nơng ƀư brah ăn kloh ueh gay ƀư nau rƀŭn chuai nau tih ta nây.

Kan Lêvi 8:18

Y-Môis đă djôt đŏng biăp nkuăng tât gay dŏng ƀư ndơ ƀư brah gŭch. Y-Arôn jêh ri phung kon bu klâu păng pah ti khân păng ta bôk biăp,

Kan Lêvi 8:34

Brah Yêhôva hŏ ntăm nti jêh ma khân may ăn ƀư tâm ban ma he hŏ ƀư jêh nar aơ gay chuai nau tih ma nâu jêh ri phung kon bu klâu nâu.

Kan Lêvi 9:7

Jêh nây Y-Môis lah ma Y-Arôn: “Nâu văch hom dăch ta nơng ƀư brah nhhơr ndơ ƀư brah chuai nau tih jêh ri ndơ ƀư brah gŭch gay ƀư ndơ ƀư brah chuai nau tih ma may nơm jêh ri ma phung ƀon lan, jêh nây nhhơr ndơ ƀư brah bơh phung ƀon lan jêh ri ƀư ndơ ƀư brah chuai nau tih ma khân păng, tĭng nâm Brah Yêhôva ntăm nti jêh.”

Nau Kơp Bunuyh 6:14

păng nhhơr hom ndơ ƀư brah ăn ma Brah Yêhôva, geh du mlâm biăp nkuăng du năm mâu geh têl khap ôh jêng ndơ ƀư brah gŭch, du mlâm biăp me du năm mâu geh têl khap ôh jêng ndơ ƀư brah chuai nau tih jêh ri du biăp nkuăng mâu geh têl khap jêng ndơ ƀư brah ma nau đăp mpăn,

Nau Kơp Bunuyh 6:16

Kôranh ƀư brah mra leo lĕ ndơ nhhơr nây tât tanăp Brah Yêhôva jêh ri nhhơr ndơ ƀư brah chuai nau tih nđâp ma ndơ ƀư brah gŭch.

Nau Kơp Bunuyh 8:13

Jêh ta nây, ăn may lah phung Lêvi dâk tanăp măt Y-Arôn jêh ri phung kon bu klâu păng, jêh nây may nhhơr khân păng nâm du ndơ ƀư brah ryeng pa tê̆ ryeng pa djaơ ma Brah Yêhôva.

Nau Kơp Bunuyh 8:8

Jêh nây, ăn may lah ma khân păng sŏk du mlâm ndrôk nkuăng ndrel ma ndơ ƀư brah rnih môi ma rnih môi tâm pach đah dak ngi, jêh ri ăn may sŏk du mlâm ndrôk nkuăng rah tal bar jêng ndơ ƀư brah chuai nau tih.

ហេឞ្រើ 9:22

Tĭng nâm nau vay, ma lĕ rngôch ndơ ƀư kloh ma mham da dê; mâu nkhŭt mham, mâu geh nau yô̆ an ôh.