Nau Kơp Bunuyh 7:89 - Nau Brah Ndu Ngơi 2023

⁸⁹ Tơlah Y-Môis lăp Ngih Bok Nau Tâm Rƀŭn gay tâm ngơi ndrel đah Brah Yêhôva, păng tăng bâr Kôranh Brah ngơi ma păng nơm tă bơh ndrŭp nau yô̆ an ta klơ Hip Nau Tâm Rnglăp, ta vah vang bar chêrubim. Jêh ri kơt nĕ păng tâm ngơi ndrel jêh đah Brah Yêhôva.

Nau Kơp Bunuyh 7:89 ပူးပေါင်းရင်းမြစ်များ

I Phung Hađăch 6:23

Tâm trôm Ntŭk Dŭt Kloh Ueh, hađăch ƀư bar mlâm rup chêrubim ma tơm ôlive, prêh prăm met.

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Nau Mprơ Ơm 99:1

Brah Yêhôva chiă uănh! Lĕ mpôl băl bunuyh râm sâr hom; Păng gŭ klơ phung Chêrubim; neh ntu geh nau mpât n'gơ.

Nau Ngluh Êjipt 40:34

Jêh nây geh du ndâr tŭk nkŭm Ngih Bok Nau Tâm Rƀŭn jêh ri nau chrêk rmah Brah Yêhôva bêng Ngih Bok.

Nau Ngluh Êjipt 40:35

Y-Môis mâu dơi lăp ôh tâm Ngih Bok Nau Tâm Rƀŭn, yorlah ndâr tŭk nkŭm ta klơ; nau chrêk rmah Brah Yêhôva bêng ma Ngih Bok.

Kan Lêvi 1:1

Brah Yêhôva tă bơh tâm Ngih Bok Nau Tâm Rƀŭn kuăl Y-Môis jêh ri ngơi:

Nau Kơp Bunuyh 1:1

Nar năng nguay khay bar năm tal bar, jêh phung ƀon lan Israel luh bơh Êjipt, Brah Yêhôva ngơi ma Y-Môis ta Ngih Bok Nau Tâm Rƀŭn tâm bri rdah Sinai pô aơ:

Nau Kơp Bunuyh 11:17

Gâp mra jŭr jêh ri ngơi ndrel đah may ta nây. Gâp mra sŏk Huêng Gâp gŭ ta klơ may gay ăn ma khân păng, jêh ri khân păng mra anh nau kan jâk phung ƀon lan aơ ndrel ma may, mâu di du huê may anh nau jâk nây.

Nau Kơp Bunuyh 12:8

Gâp ngơi đah păng mbung ndrăng mbung ma nau rah vah, mâu geh nau ngơi ndâp Jêh ri păng saơ rup Brah Yêhôva. Mâm khân may mâu klach ƀiălah ngơi kek đah oh mon Gâp jêng Y-Môis?”

Nau Kơp Bunuyh 8:1

Brah Yêhôva lah ma Y-Môis:

ហេឞ្រើ 4:16

Pôri, ăn he nâp nuih n'hâm hăn dăch ta sưng hađăch nau yô̆, gay ma dơi sŏk dơn nau yô̆ nđach jêh ri saơ nau yô̆ kơl he dôl he geh nau pưt.

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

I Samuel 4:4

Pôri, phung ƀon lan prơh bunuyh hăn tât ta Silô. Tă bơh nây, khân păng sŏk Hip Nau Tâm Rnglăp Brah Yêhôva ma phung tahan, jêng Nơm gŭ ta nklang phung Chêrubim. Bar hê kon bu klâu Y-Êli, jêng Y-Hôphni jêh ri Y-Phinêas, hăn tĭng Hip Nau Tâm Rnglăp Brah Ndu.