Nau Kơp Bunuyh 7:10 - Nau Brah Ndu Ngơi 2023

¹⁰ Tâm nar bu tŏ dak ƀâu kah ma nơng ƀư brah, phung kôranh chiă uănh djôt leo ndơ nhhơr ma nau nhhơr nơng ƀư brah tât nhhơr panăp nơng ƀư brah.

Nau Kơp Bunuyh 7:10 ပူးပေါင်းရင်းမြစ်များ

I Phung Hađăch 8:63

Y-Salômôn nhhơr mpa ƀư brah ma Brah Yêhôva, geh bar rmưn bar rbăn mlâm ndrôk jêh ri du rsen bar rmưn biăp nkuăng ƀư ndơ ƀư brah ma nau đăp mpăn. Pônây, hađăch jêh ri lĕ rngôch phung ƀon lan Israel nhhơr ngih brah ma Brah Yêhôva.

II Nau Rêh Jêng 7:5

Hađăch Salômôn nhhơr bar rmưn bar rbăn mlâm ndrôk jêh ri du rsen bar rmưn biăp nkuăng. Pônây, hađăch jêh ri lĕ rngôch phung ƀon lan ƀư nau rƀŭn nhhơr ngih brah ma Brah Ndu.

II Nau Rêh Jêng 7:9

Tâm nar rơh pham, geh nkra du nau tâm rƀŭn rgum bêng ma nau khư yơk, yorlah khân păng râng rƀŭn nhhơr nơng ƀư brah tâm pơh nar jêh ri răm maak nau rƀŭn tâm pơh nar lĕ.

Nêhêmi 12:27

Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nau Mprơ Ơm 30:1

Ơ Kôranh Brah! Gâp tâm rnê Păng yorlah Păng chông gâp hao, Mâu ăn ôh phung rlăng răm maak yor gâp.

Nau Kơp Bunuyh 7:1

Tơlah hŏ ndâk jêh Ngih Bok, Y-Môis tŏ dak ƀâu kah jêh ri prăp êng ma nau kloh ueh lĕ rngôch ndơ dŏng Ngih Bok, tâm ban đŏng tŏ dak ƀâu kah jêh ri prăp êng ma nau kloh ueh nơng ƀư brah jêh ri lĕ rngôch ndơ dŏng ma nơng ƀư brah.

Nau Kơp Bunuyh 7:11

Brah Yêhôva lah ma Y-Môis: “Phung kôranh tâm tơh du nar du huê, djôt leo ndơ gay nhhơr nơng ƀư brah.”

Nau Kơp Bunuyh 7:84

Nây jêng lĕ ndơ nhhơr phung kôranh Israel nhhơr ma nau nhhơr nơng ƀư brah nôk bu tŏ dak ƀâu kah ma nơng ƀư brah: Jât ma bar ngan jam prăk, jât ma bar ngan grưng prăk, jât ma bar kachok mah.

Nau Kơp Bunuyh 7:88

Lĕ rngôch ndrôk biăp dŏng ma nau ƀư brah ma nau đăp mpăn geh bar jât ma puăn ndrôk nkuăng, prao jât biăp nkuăng, prao jât be nkuăng, jêh ri prao jât biăp kon du năm. Nây jêng ndơ nhhơr ma nau nhhơr nơng ƀư brah jêh dơi bu tŏ dak ƀâu kah ma păng.

Nau Vay Nkah Tay 20:5

Nôk nây phung kôranh chiă uănh mra ngơi ma phung ƀon lan pô aơ: ‘Mbu nơm mhe ndâk jêh du mlâm vâl mhe jêh ri ê năn nhhơr? Ăn păng sĭt ta vâl păng, yorlah tơlah păng khĭt tâm nau tâm lơh jêh ri nơm êng ƀơh mra nhhơr ngih nây.