Nau Kơp Bunuyh 7:1 - Nau Brah Ndu Ngơi 2023

¹ Tơlah hŏ ndâk jêh Ngih Bok, Y-Môis tŏ dak ƀâu kah jêh ri prăp êng ma nau kloh ueh lĕ rngôch ndơ dŏng Ngih Bok, tâm ban đŏng tŏ dak ƀâu kah jêh ri prăp êng ma nau kloh ueh nơng ƀư brah jêh ri lĕ rngôch ndơ dŏng ma nơng ƀư brah.

Nau Kơp Bunuyh 7:1 ပူးပေါင်းရင်းမြစ်များ

Nau Ntơm 2:3

Păng ăn nau ueh uĭn ma nar tal pơh jêh ri ƀư nar nây jêng nar kloh ueh, yor tâm nar nây Păng rlu tơlah hŏ lôch jêh lĕ nau kan rhăk njêng.

I Phung Hađăch 8:64

Tâm nar nây, hađăch prăp êng ma nau kloh ueh ntŭk ta nklang ndring panăp ngih Brah Yêhôva, gay ƀư ntŭk nhhơr lĕ ndơ ƀư brah gŭch, ndơ ƀư brah rnih môi, jêh ri ngi bơh ndơ ƀư brah ma nau đăp mpăn, yorlah nơng ƀư brah ma kông ăn tanăp măt Brah Yêhôva jê̆ ir, mâu dơi tŏng ntŭk gay n'gân lĕ ndơ ƀư brah gŭch, ndơ ƀư brah rnih môi jêh ri ngi bơh ndơ ƀư brah ma nau đăp mpăn.

Nau Ngluh Êjipt 13:2

“Ăn may nhhơr hom ma Gâp lĕ rngôch kon bôk rah bu deh jêh tâm phung Israel, nđâp bunuyh nđâp mpô mpa, yorlah lĕ rngôch kon dak bôk jêng ndơ Gâp da dê.”

Nau Ngluh Êjipt 29:36

Ăp nar ăn may nhhơr du mlâm ndrôk nkuăng rah gay ƀư ndơ ƀư brah chuai nau tih. May nhhơr đŏng du ndơ ƀư brah chuai nau tih ma nơng ƀư brah n'ho mhĭng dak ƀâu kah jêh ri ƀư ăn kloh nơng ƀư brah.

Nau Ngluh Êjipt 40:11

May mhĭng đŏng dak ƀâu kah ta thŭng dak nđâp jâng păng, jêh ri prăp thŭng nây ma nau kloh ueh.

Nau Kơp Bunuyh 17:2

“Lah hom ma phung ƀon lan Israel pô aơ: Ăp ndŭl mpôl leo chê̆ hom du mlâm mâng jra, ntĭt jêng jât ma bar mâng jra. Nchih hom amoh ăp kôranh chiă uănh ta mâng jra păng.

Nau Kơp Bunuyh 7:10

Tâm nar bu tŏ dak ƀâu kah ma nơng ƀư brah, phung kôranh chiă uănh djôt leo ndơ nhhơr ma nau nhhơr nơng ƀư brah tât nhhơr panăp nơng ƀư brah.

Nau Kơp Bunuyh 7:84

Nây jêng lĕ ndơ nhhơr phung kôranh Israel nhhơr ma nau nhhơr nơng ƀư brah nôk bu tŏ dak ƀâu kah ma nơng ƀư brah: Jât ma bar ngan jam prăk, jât ma bar ngan grưng prăk, jât ma bar kachok mah.

Nau Kơp Bunuyh 7:88

Lĕ rngôch ndrôk biăp dŏng ma nau ƀư brah ma nau đăp mpăn geh bar jât ma puăn ndrôk nkuăng, prao jât biăp nkuăng, prao jât be nkuăng, jêh ri prao jât biăp kon du năm. Nây jêng ndơ nhhơr ma nau nhhơr nơng ƀư brah jêh dơi bu tŏ dak ƀâu kah ma păng.

Mathay 23:19

Hơi phung chieh măt! Ndơ nhhơr mâu lah nơng ƀư brah ƀư ma ndơ nhhơr jêng kloh ueh, moh ndơ khlay lơn?