Nau Kơp Bunuyh 6:5 - Nau Brah Ndu Ngơi 2023

⁵ Tâm du bông dôl păng ton ma Nasirit, păng mâu dơi poih ôh sŏk ta klơ bôk păng. Bunuyh nây mra prăp ăn ma kloh ueh jêh ri rong sŏk jong kŏ tât nôk păng lôch jêh mông nar prăp ma Brah Yêhôva.

Nau Kơp Bunuyh 6:5 ပူးပေါင်းရင်းမြစ်များ

Êsêkiêl 44:20

Khân păng mâu poih plưn bôk, ăt mâu om sŏk jong ƀiălah mra kreh sŏk gleh.

Nau Kơp Bunuyh 6:4

Tâm du bông dôl prăp êng, lơi sa ôh moh ndơ ƀư tă bơh tơm krăk ƀâu, nđâp ma găr ntil mâu lah ntâu.

Kôranh Oh Mon 18:18

Y-Pôl gŭ jŏ nar ta ƀon Kôrintô, jêh ri tâm nkhah đah phung oh nâu, ncho kumpăn hăn ta n'gor Siri ndrel ma H'Phrisil jêh ri Y-Akilas. Ta ƀon Senkrê, Păng poih lĕ sŏk păng yorlah păng geh nau ton jêh.

Phung Kôranh Phat Dôih 13:5

yorlah ay mra ntreo jêh ri deh du huê kon bu klâu. Mâu dơi ăn măt pêh poih ôh bôk păng, yorlah kon se nây mra jêng du huê Nasirit ma Brah Ndu tă bơh ndŭl me păng. Păng nơm mra tâm rklaih phung Israel bơh ti phung Philistin.”

Phung Kôranh Phat Dôih 16:17

Yor ri, păng nkoch lĕ ma bu ur nây gĭt. Păng lah: “Pêh hơr mâu mâp poih ôh sŏk ta klơ bôk gâp; yorlah gâp jêng du huê Nasirit prăp mra Brah Ndu ntơm bơh ndŭl me gâp. Tơlah jêh bu poih sŏk gâp, nôk nây nau ktang gâp mra luh du, gâp mra jêng huơi jêh ri jêng nâm bu bunuyh êng.”

Phung Kôranh Phat Dôih 16:19

Păng ƀư ma Y-Samsôn lâng săk bê̆ch ta kômâk păng, jêh ri păng kuăl du huê bu klâu poih pơh pha sŏk ta klơ bôk păng. Pônây, păng ntơm nkân păng, yorlah nau ktang păng lĕ luh du jêh bơh păng.

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”