Nau Kơp Bunuyh 6:27 - Nau Brah Ndu Ngơi 2023

²⁷ Ăn khân păng dơm amoh Gâp ta klơ phung ƀon lan Israel, tâm ban pônây Gâp mra ăn nau ueh uĭn ma Phung ƀon lan aơ.”

Nau Kơp Bunuyh 6:27 ပူးပေါင်းရင်းမြစ်များ

Nau Ntơm 32:26

Bunuyh nây lah: “Trôk lĕ ang jêh, ăn gâp hăn hom.” Ƀiălah Y-Yakôb lah: “Gâp mâu ăn ôh may hăn, tơlah may mâu ăn nau ueh uĭn ma gâp.”

Nau Ntơm 32:29

Y-Yakôb ôp: “Dăn ăn gâp gĭt amoh May.” Bunuyh nây ơh: “Mâm ƀư may ôp amoh gâp?” Jêh nĕ bunuyh nây ăn nau ueh uĭn ma Y-Yakôb ta nây ro.

II Samuel 7:23

Ta klơ neh ntu, moh phung ƀon lan tâm ban ma phung ƀon lan Israel May, jêng phung ƀon lan Brah Ndu tâm rklaih jêh gay ƀư phung ƀon lan May nơm jêh ri tâm amoh ma khân păng? May hŏ ƀư yor ma May nơm jêh ri n'gor bri May, rĭ dĭng May ƀư lĕ nau kan toyh khư ma bu klach, tơlah May hŏ mprơh jêh âk mpôl băl bunuyh êng jêh ri phung brah khân păng tă bơh tanăp măt May, jêng phung ƀon lan May hŏ sâm chuai khân păng du luh bơh Êjipt gay prăp ma May nơm.

I Nau Rêh Jêng 4:10

Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

II Nau Rêh Jêng 7:14

tơlah phung ƀon lan Gâp, jêng phung ƀon lan dơi kuăl ma amoh Gâp, dêh rhêt êng khân păng nơm, mbơh sơm, joi muh măt Gâp jêh ri chalơi trong djơh mhĭk, nôk nây tă bơh klơ trôk Gâp mra rkêng tôr iăt, yô̆ an nau tih khân păng jêh ri ƀư bah n'gor bri khân păng.

Nau Mprơ Ơm 5:12

Ơ Brah Yêhôva, yorlah May yơh mra ăn nau ueh uĭn ma phung sŏng srăng, Sŏk nau rŏng Kôranh Brah nkŭm nking bunuyh nây nâm bu khêl.

Nau Mprơ Ơm 67:7

Brah Ndu mra ăn nau ueh lăng ma hên Jêh ri lĕ bunuyh gŭ lam rplay neh mra klach yơk ma Păng da dê.

Nau Ngluh Êjipt 6:3

Gâp hŏ tâm mpơl jêh ma Y-Abraham, Y-Isăk, jêh ri ma Y-Yakôb nhhơ Gâp nơm jêng Brah Ndu Geh Lĕ Nau Brah; ƀiălah Gâp ê hŏ mpơl ôh ma khân păng gĭt tâm amoh Gâp jêng Brah Yêhôva.

Êsai 43:7

Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Yêrêmi 14:9

Mâm ƀư May nâm bu bunuyh phit phơr, Nâm bu du huê dăng ktang mâu dơi yơr ti tâm rklaih bu ôh? Ƀiălah, ơ Kôranh Brah, May hôm e gŭ ta nklang hên, Hên dơi ntơ ma amoh May, Lơi ta chalơi hên ôh!”

Nau Kơp Bunuyh 23:20

Aơ, gâp sŏk dơn jêh nau ntăm ăn nau ueh uĭn; Păng hŏ ăn nau ueh uĭn jêh, gâp mâu dơi rgâl nau nây ôh.

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Nau Vay Nkah Tay 28:10

Lĕ rngôch phung ƀon lan ta neh ntu mra saơ bu rnha khân may ma amoh Brah Yêhôva jêh ri khân păng mra klach đah khân may.