Nau Kơp Bunuyh 6:25 - Nau Brah Ndu Ngơi 2023

²⁵ Dăn ma Brah Yêhôva nchrat ang muh măt Păng ma may Jêh ri ƀư nau yô̆ ma may!

Nau Kơp Bunuyh 6:25 ပူးပေါင်းရင်းမြစ်များ

Nau Ntơm 43:29

Y-Yôsep n'gơr măt uănh saơ Y-Benjamin, oh păng, kon du mê̆ bă ndrel ma păng, jêh ri lah: “Di lĕ aơ jêng oh mpŏt khân may hŏ nkoch jêh ma gâp?” Jêh nây păng lah tay: “Hơi oh mpŏt! Dăn ma Brah Ndu rŏng ma may!”

Nau Mprơ Ơm 119:135

Dăn muh măt May sol ang ta oh mon May, Jêh ri sâm nti gâp lĕ nau vay dăp May.

Nau Mprơ Ơm 21:6

May ăn ma păng nau ueh lăng ƀaƀơ n'ho ro; Nau Kôranh Brah gŭ ndrel ƀư ma păng hâk răm, răm maak.

Nau Mprơ Ơm 31:16

Dăn muh măt May sol ang ta oh mon May. Sŏk nau ueh Kôranh Brah tâm rklaih gâp.

Nau Mprơ Ơm 4:7

May ăn nuih n'hâm gâp bêng ler nau maak, Rlau lơn ma nau maak khân păng tơlah geh ba ƀlê jêh ri rmeh âk ndrănh krăk ƀâu.

Nau Mprơ Ơm 67:1

Ăn Brah Ndu yô̆ nđach ma hên jêh ri ăn nau ueh lăng ma hên, Nau nchrat ang muh măt Păng sol tâm hên. (Sêla)

Nau Mprơ Ơm 80:19

Ơ Yêhôva Brah Ndu ma phung tahan, ndâk njêng mhe tay hom hên, Ăn muh măt May sol ang ta hên pôri hên mra dơi rklaih.

Nau Mprơ Ơm 80:7

Ơ Brah Ndu ma phung tahan, dăn ndâk njêng mhe tay hom hên Jêh ri ƀư ăn muh măt May sol ang ta klơ hên pôri hên mra dơi rklaih.

Nau Mprơ Ơm 86:16

Ơ! Dăn May uănh ma gâp jêh ri yô̆ nđach gâp; Ăn nau ktang May ma oh mon May Jêh ri tâm rklaih kon bu klâu oh mon bu ur May.

Nau Ngluh Êjipt 33:19

Brah Yêhôva lah: “Gâp mra ƀư nau dŭt ueh Gâp tanăp may; Gâp mra mbơh amoh Yêhôva tanăp măt may; Gâp mra ƀư nau ueh ma mbu nơm Gâp ŭch ƀư nau ueh jêh ri yô̆ nđach ma mbu nơm Gâp ŭch yô̆ nđach.”

Daniel 9:17

Pônây aƀaơ aơ, ơ Brah Ndu hên, dăn iăt hom nau mbơh sơm vơl dăn oh mon May! Yor amoh Kôranh Brah, dăn muh măt May dơi sol ang ta klơ ngih kloh ueh rngol May!

Malachi 1:9

Aƀaơ, dăn hom nau yô̆ bơh Brah Yêhôva, gay ma Păng ăn nau yô̆ ma phung he. Ƀiălah yor ti khân may hŏ ƀư pô nĕ, gĭt lah tâm khân may mbu nơm Păng mra dơn?

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.