Nau Kơp Bunuyh 4:5 - Nau Brah Ndu Ngơi 2023

⁵ Tơlah rmlak tahan trơn ntŭk, Y-Arôn jêh ri phung kon bu klâu păng mra tât rơih lơi bok nching jêh ri nkŭm klơ Hip Nau Tâm Rnglăp,

Nau Kơp Bunuyh 4:5 ပူးပေါင်းရင်းမြစ်များ

I Nau Rêh Jêng 15:15

Phung Lêvi sŏk mâng tung Hip Nau Tâm Rnglăp Brah Ndu ta săng nglik khân păng, di nâm nau Brah Yêhôva hŏ ntăm nti jêh ma Y-Môis.

I Nau Rêh Jêng 23:26

pôri phung Lêvi mâu mra hôm ôh tung Ngih Bok mâu lah lĕ ndơ dŏng prăp ma kan tâm Ngih Bok.”

II Nau Rêh Jêng 3:14

Păng ƀư nthăng bok nching ma brai rnô̆, brai chăng rhưch, brai sut chăng breh gŭr nđâp ma brai mhay rhên, geh cheh rup chêrubim ta klơ.

Nau Ngluh Êjipt 36:35

Khân păng ƀư đŏng du blah bok ma rse mhay rhên, brai ĭr, brai chăng krăk jêh ri brai sut, cheh rup chêrubim ma nau nê̆ ueh ngăn;

Nau Ngluh Êjipt 40:3

Dơm hom Hip Nau Tâm Rnglăp ta nây jêh nây sŏk bok nkŭm hip nây.

Nau Ngluh Êjipt 40:5

Dơm hom nơng ƀư brah ma mah dŏng ma nau su ndơ ƀâu kah panăp Hip Nau Tâm Rnglăp, jêh ri nthăng bok ta mpông Ngih Bok.

Êsai 25:7

Ta yôk aơ, Păng mra hêk chalơi Bok nkŭm lĕ rngôch phung ƀon lan, Jêh ri bok nkŭm lĕ rngôch bri dak.

Kan Lêvi 16:2

“Ăn may lah hom ma Y-Arôn, nâu may pô aơ, mâu geh lah dah ŭch lăp tâm Ntŭk Dŭt Kloh Ueh tâm trôm blah bok, tanăp ndrŭp nau yô̆ an ta klơ Hip Nau Tâm Rnglăp, tơlah mâu tông mra khĭt yơh, yorlah Gâp mra tâm mpơl tâm ndâr tŭk ta ndrŭp nau yô̆.

Nau Kơp Bunuyh 10:14

N'ha kơ ma rmlak tahan Yuđa hăn du luh lor, tĭng ăp ndŭl mpôl. Y-Nahsôn, kon bu klâu Y-Aminadap, kôranh phung tahan Yuđa.

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.

Nau Kơp Bunuyh 4:4

Aơ jêng nau kan phung kon bu klâu Y-Kôhat tâm Ngih Bok Nau Tâm Rƀŭn: Khân păng mra djôt kan chiă uănh lĕ ndơ dŭt kloh ueh.

Nau Kơp Bunuyh 7:9

Ƀiălah păng mâu ăn moh ndơ ôh ma phung kon sau Y-Kôhat, yorlah ăn khân păng djôt kan chiă uănh lĕ ndơ kloh ueh khân păng tung ta klơ săng nglik khân păng nơm.

Mathay 27:51

Jêh ri, ri bok nching tâm ngih brah nkhêk jêng bar ntơm bơh klơ jŭr tât tâm dâng, neh n'gơ n'găr, lŭ klêr đang;

Nau Vay Nkah Tay 31:9

Y-Môis nchih jêh nau vay aơ jêh ri jao ăn ma phung kôranh ƀư brah phung kon sau Lêvi, jêng phung tung Hip Nau Tâm Rnglăp Brah Yêhôva, tâm ban đŏng jao ăn ma lĕ rngôch phung kôranh bu ranh Israel.

ហេឞ្រើ 10:20

ma trong mhe jêh ri rêh Păng pơk jêh ma he rgăn bok nching, nâm bu ntĭt rgăn nglay săk Păng nơm;

ហេឞ្រើ 9:3

Pakơi bok nching tal bar, geh ntŭk bu rnha Ntŭk Dŭt Kloh Ueh,

I Samuel 6:19

Brah Yêhôva rmal phung Bet-Sêmes, yorlah khân păng hŏ uănh jêh tâm trôm Hip Nau Tâm Rnglăp Brah Yêhôva. Păng nkhĭt pơh jât nuyh phung ƀon lan. Phung ƀon lan nhĭm nhhiăng yorlah Brah Yêhôva nkhŭt jêh du nau tât toyh ta klơ khân păng.