Nau Kơp Bunuyh 4:33 - Nau Brah Ndu Ngơi 2023

³³ Nây jêng nau kan ma ndŭl mpôl Y-Mêrari ƀư hom tâm Ngih Bok Nau Tâm Rƀŭn tâm nau dơi chiă uănh Y-Ithamar, kon bu klâu kôranh ƀư brah Y-Arôn.”

Nau Kơp Bunuyh 4:33 ပူးပေါင်းရင်းမြစ်များ

Nau Ngluh Êjipt 38:21

Aơ jêng rnoh kơp lĕ ndơ dŏng ma Ngih Bok, jêng Ngih Bok Nau Tâm Rnglăp, kơp tĭng nâm nau vay ntăm Y-Môis ntĭnh ăn ma phung Lêvi, tĭng nâm Y-Ithamar gai, păng jêng kon bu klâu kôranh ƀư brah Y-Arôn.

Êsai 3:6

Dôl bu mra nhŭp oh nâu păng Tâm ngih mbơ̆ păng jêh ri lah: “May hôm geh ao jâr, Ăn may ƀư jêng kôranh chiă uănh hên, Jêh ri mbŭch rlâm nchah aơ Mra gŭ tâm dâng nau dơi may!”

Nau Kơp Bunuyh 4:28

Nây jêng lĕ nau kan ma ndŭl mpôl Y-Gersôn tâm Ngih Bok Nau Tâm Rƀŭn. Nau kan khân păng gŭ tâm nau dơi chiă uănh Y-Ithamar, kon bu klâu kôranh ƀư brah Y-Arôn.

Nau Kơp Bunuyh 4:32

lĕ meh n'gâng jŭm ndring ngih jêh ri ndơl meh n'gâng, mâng pêr, rse ndrăn, nđâp lah lĕ rngôch ndơ dŏng jêh ri lĕ ndơ dŏng êng. Khân may mra jao ma ăp nơm mât uănh ma lĕ ndơ tung.

Nau Kơp Bunuyh 4:34

Pônây Y-Môis, Y-Arôn jêh ri phung kôranh chiă uănh nau kơp phung ƀon lan Y-Kôhat tĭng nâm ăp ndŭl mpôl jêh ri noi deh khân păng,

Nau Kơp Bunuyh 7:8

Păng ăn puăn bôk ndeh jêh ri pham mlâm ndrôk nkuăng ma phung kon sau Y-Mêrari tĭng nâm kan khân păng. Khân păng tâm dâng nau chiă uănh Y-Ithamar, phung kon bu klâu kôranh ƀư brah Y-Arôn.

Yôsuê 3:6

Y-Yôsuê lah ma kôranh ƀư brah: “Tung hom Hip Nau Tâm Rnglăp hăn rgăn dak krong lor panăp phung ƀon lan.” Pônây khân păng tung Hip Nau Tâm Rnglăp jêh ri hăn lor panăp phung ƀon lan.