Nau Kơp Bunuyh 4:20 - Nau Brah Ndu Ngơi 2023

²⁰ Ƀiălah phung Kôhat mâu dơi uănh ôh lĕ ndơ kloh ueh, nđâp lah ƀât lât kđôi lĕ, klach lah khân păng mra khĭt.”

Nau Kơp Bunuyh 4:20 ပူးပေါင်းရင်းမြစ်များ

Nau Ngluh Êjipt 19:21

Brah Yêhôva lah ma Y-Môis: “Hăn jŭr hom jêh ri buay ma phung ƀon lan lơi ăn khân păng sŏl rlau ntŭk hŏ treh gay uănh Brah Yêhôva; tơlah mâu iăt âk tâm phung khân păng mra khĭt.

Kan Lêvi 10:2

Du chiông ŭnh luh tă bơh tanăp Brah Yêhôva su bar hê nây; khân păng khĭt tanăp Brah Yêhôva.

Kan Lêvi 16:13

Ăn Y-Arôn dơm ndơ ƀâu kah tâm ŭnh tanăp Brah Yêhôva, gay ma ndâr tŭk nhhŭk ndơ ƀâu kah dơi nkŭm ndrŭp nau yô̆ an ta klơ Hip Nau Tâm Rnglăp, yor ri yơh Y-Arôn mâu geh nau khĭt.

Nau Kơp Bunuyh 1:51

Ăp tơ̆ ngih bok trơn ntŭk pôri phung Lêvi mra rơih păng jêh ri tơlah tât ntŭk ndâk tay Ngih Bok, khân păng mra ndâk păng. Tơlah bunuyh êng hăn dăch mra nkhĭt.

Nau Kơp Bunuyh 18:3

Khân păng mra kơl kan may jêh ri ƀư lĕ kan di ma Ngih Bok, ƀiălah khân păng mâu dơi hăn dăch ma ndơ dŏng tâm Ntŭk Kloh Ueh mâu lah ma nơng ƀư brah ôh, klach lah khân păng jêh ri may khĭt.

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.

Nau Kơp Bunuyh 4:19

Aơ jêng nau khân may ƀư ma khân păng gay ma khân păng dơi gŭ rêh, mâu geh khĭt ôh tơlah khân păng hăn dăch lĕ ndơ dŭt kloh ueh: Y-Arôn jêh ri phung kon bu klâu păng mra lăp ntŭk kloh ueh, tâm pă nau kan ma ăp nơm jêh ri lĕ ndơ dŏng khân păng tung hom.

Nau Kơp Bunuyh 4:21

Brah Yêhôva lah tay ma Y-Môis:

Nau Tâm Mpơl 11:19

Ngih brah Brah Ndu ta klơ trôk pơk jêh, tâm trôm saơ geh Hip Nau Tâm Rnglăp Păng, jêh nây geh lĕ lơp nglaih, bâr ngơi, nteh nglaih, nau n'găr neh jêh ri mih pler ktang.

I Samuel 6:19

Brah Yêhôva rmal phung Bet-Sêmes, yorlah khân păng hŏ uănh jêh tâm trôm Hip Nau Tâm Rnglăp Brah Yêhôva. Păng nkhĭt pơh jât nuyh phung ƀon lan. Phung ƀon lan nhĭm nhhiăng yorlah Brah Yêhôva nkhŭt jêh du nau tât toyh ta klơ khân păng.