Nau Kơp Bunuyh 36:7 - Nau Brah Ndu Ngơi 2023

⁷ Pônây, tâm phung ƀon lan Israel mâu geh drăp ndơn dơi jao tă bơh du ndŭl mpôl nây ma du ndŭl mpôl êng ôh, yorlah ăp nơm tâm phung ƀon lan Israel mra mât mray drăp ndơn prăp ma ndŭl mpôl chô yau păng nơm.

Nau Kơp Bunuyh 36:7 ပူးပေါင်းရင်းမြစ်များ

I Phung Hađăch 21:3

Ƀiălah Y-Nabôt lah ma Y-Ahap: “Brah Yêhôva buay ma gâp lơ ăn ma may drăp ndơn bơh chô yau gâp!”

Nau Kơp Bunuyh 36:8

Ăp nơm kon bu ur ŭch dơi dơn du kô̆ drăp ndơn tâm lĕ ndŭl mpôl phung ƀon lan Israel, ăn bu ur nây gŭ sai jêh đah du huê tă bơh du tâm lĕ rnăk vâl ndŭl mpôl chô yau păng nơm. Pônây, ăp nơm tâm phung ƀon lan Israel dơi dơn kô̆ drăp ndơn chô yau păng nơm.

Nau Kơp Bunuyh 36:9

Pôri mâu geh du kô̆ drăp ndơn dơi jao ôh tă bơh ndŭl mpôl nây tât ma ndŭl mpôl êng, yorlah ăp ndŭl mpôl Israel mra mât mray drăp ndơn khân păng nơm.’”

Yôsuê 24:28

Y-Yôsuê đă phung ƀon lan sĭt; lĕ rngôch bunuyh plơ̆ sĭt da dê tâm drăp ndơn khân păng nơm.

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’