Nau Kơp Bunuyh 33:2 - Nau Brah Ndu Ngơi 2023

² Y-Môis tông bâr nau ntăm Brah Yêhôva nchih tay nau hăn trong phung ƀon lan tĭng ăp trong. Jêh ri aơ jêng lĕ ăp trong nkoch tĭng nâm lĕ ntŭk ntơm hăn:

Nau Kơp Bunuyh 33:2 ပူးပေါင်းရင်းမြစ်များ

Nau Ngluh Êjipt 17:14

Brah Yêhôva lah ma Y-Môis: “Nchih hom nau aơ tâm ndrom samƀŭt gay ma ndray jêh ri nkoch ăn ma Y-Yôsuê gĭt nau aơ Gâp mra jut lĕ nau ndray ma phung Amalek tâm neh ntu aơ.”

Nau Kơp Bunuyh 10:13

Aơ jêng tơ̆ tal nguay phung ƀon lan Israel hăn du luh tĭng nâm nau Brah Yêhôva ntĭnh ma Y-Môis.

Nau Kơp Bunuyh 10:6

Tơlah khân may uh nŭng nteh huy tal bar, phung rmlak tahan gŭ mpeh rđŭng mra hăn du luh. Bu mra uh nŭng nteh huy ndah jŏ phung rmlak tahan ăn hăn du luh.

Nau Kơp Bunuyh 33:1

Aơ jêng lĕ nau hăn trong phung ƀon lan Israel tơlah khân păng luh bơh n'gor Êjipt tĭng nâm ăp ndŭl mpôl, tâm dâng nau chiă uănh Y-Môis jêh ri Y-Arôn.

Nau Kơp Bunuyh 33:3

Phung ƀon lan Israel Hăn ntơm bơh Ramsê tâm ta nar jât ma prăm tâm khay nguay, jêng nar pakơi jêh Rƀŭn Nau Găn. Khân păng hăn du luh tâm nau janh nuih tanăp măt phung Êjipt.

Nau Vay Nkah Tay 1:2

Geh jât ma nguay nar hăn tă bơh Hôrep rŏ trong yôk Sêir tât ta Kadês Barnê.

Nau Vay Nkah Tay 10:11

Brah Yêhôva lah ma gâp: ‘Ăn may dâk hom, ƀư đŏng nau chiă uănh phung ƀon lan, gay khân păng dơi lăp jêh ri pit sŏk n'gor Gâp prăp ma khân păng nâm bu hŏ ton ma chô yau khân păng.’”