Nau Kơp Bunuyh 32:29 - Nau Brah Ndu Ngơi 2023

²⁹ Y-Môis lah ma khân păng: “Tơlah phung kon sau Gat jêh ri phung kon sau Ruben djôt ndơ tâm lơh hăn rgăn dak krong Yurdan ndrel ma khân may gay tâm lơh tanăp Brah Yêhôva jêh ri nôk n'gor nây hŏ pit sŏk jêh, ăn khân may ăn ma khân păng n'gor Gilêat jêng drăp ndơn.

Nau Kơp Bunuyh 32:29 ပူးပေါင်းရင်းမြစ်များ

Nau Kơp Bunuyh 32:17

jêh ri hên mra djôt ndơ tâm lơh, gay ŭch hăn panăp phung ƀon lan Israel kŏ tât nôk hên njŭn jêh khân păng tât ta nkual khân păng. Knŏng geh phung kon hên mra gŭ tâm ƀon toyh geh mpêr nâp yor klach phung ƀon tơm tâm n'gor rduh lơh.

Nau Kơp Bunuyh 32:28

Pôri Y-Môis ăn nau ntĭnh di ma bar ndŭl mpôl nây ma kôranh ƀư brah Y-Êlêasar, ma Y-Yôsuê kon bu klâu Y-Nun, jêh ri ma phung kôranh chiă uănh lĕ ndŭl mpôl phung ƀon lan Israel.

Nau Kơp Bunuyh 32:30

Ƀiălah tơlah khân may mâu djôt ndơ tâm lơh hăn rgăn dak krong ndrel ma khân may, khân păng mra dơn drăp ndơn ta nklang khân may tâm n'gor Kanaan.”

Yôsuê 12:6

Y-Môis, oh mon Brah Yêhôva, jêh ri phung ƀon lan Israel hŏ dơi đah khân păng jêh. Y-Môis, oh mon Brah Yêhôva, ăn neh nây ma phung Ruben, phung Gat, jêh ri du n'gul ndŭl mpôl Manasê jêng drăp ndơn.

Yôsuê 13:11

Gilêat nđâp ma n'gor neh phung Gêsurit jêh ri phung Makatit, lĕ yôk Hermôn, lĕ Basan tât ta Salêka,

Yôsuê 14:3

Y-Môis ăn jêh drăp ndơn ma bar ndŭl mpôl jêh ri du n'gul ndŭl mpôl gŭ ta đah ri dak krong Yurdan, ƀiălah păng mâu ăn ôh drăp ndơn ma phung Lêvi gŭ vah vang lĕ ndŭl mpôl.

Yôsuê 18:7

Ƀiălah bu mâu pă ôh neh ma phung Lêvi ndrel ma khân may, yorlah nau kan kôranh ƀư brah ma Brah Yêhôva jêng kô̆ drăp ndơn ma khân păng. Bi phung Gat, phung Ruben jêh ri du n'gul ndŭl mpôl Manasê hŏ dơn sŏk jêh kô̆ drăp ndơn bơh Y-Môis, oh mon Brah Yêhôva, ăn jêh ma khân păng ta kơh đah ri dak krong Yurdan mpeh luh nar.”

Yôsuê 22:9

Pônây, phung Ruben, phung Gat, jêh ri du n'gul ndŭl mpôl Manasê tâm nkhah đah phung ƀon lan Israel ta ƀon Silô tâm bri Kanaan, gay plơ̆ sĭt ma bri Gilêat, jêng kô̆ neh khân păng nơm hŏ pit sŏk jêh tĭng nâm nau Brah Yêhôva ntăm jêh ma Y-Môis.

Phung Kôranh Phat Dôih 10:3

Pakơi geh Y-Jar, bunuyh Gilêat, jêng kôranh phat dôih phung ƀon lan Israel tâm bar jât ma bar năm.

I Samuel 18:17

Y-Sôl lah ma Y-Đavit: “Aơ, kon bôk rah gâp jêng H'Mêrap. Gâp mra ăn ma păng jêng ur may, knŏng ăn may jêng janh ktang kơl ma gâp jêh ri tâm lơh yor Brah Yêhôva.” Y-Sôl mĭn êng: “Lơi ăn ti gâp ƀư mhĭk ma păng, ăn ti phung Philistin ƀư mhĭk ma păng.”