Nau Kơp Bunuyh 32:14 - Nau Brah Ndu Ngơi 2023

¹⁴ Aƀaơ, khân may jêng noi deh phung bunuyh tih, ntrok tay phung chô yau khân may nơm dâk hao jêh ri ƀư ma Brah Yêhôva ji nuih ma phung Israel lơ hô ntop.

Nau Kơp Bunuyh 32:14 ပူးပေါင်းရင်းမြစ်များ

Nau Ntơm 5:3

Y-Ađam geh du rhiăng pe jât năm păng bă du huê kon bu klâu, tâm ban păng nơm jêh ri amoh jêng Y-Set.

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

II Nau Rêh Jêng 28:13

Khân păng lah: “Khân may lơi dĭng leo bu nă lăp ta aơ ôh, yorlah ƀư kơt nây, khân may ƀư ma he khan nau tih đah Brah Yêhôva, jêh ri ntop đŏng nau tih mhĭk ma phung he lơ hô. Yorlah nau tih he jêng toyh ngăn, jêh ri nau ji nuih dôl gŭ klơ phung Israel.”

Êsra 10:10

Kôranh ƀư brah Y-Êsra dâk, jêh ri lah: “Khân may hŏ ƀư tih jêh, sŏk ur bu năch jêh ri ƀư ma nau tih phung Israel ntop âk.

Nêhêmi 13:18

Mâu di hĕ phung chô yau khân may kăl e hŏ ƀư jêh kơt nây, kŏ tât Brah Ndu he ăn tât jêh lĕ nau mhĭk nây ma he jêh ri ma ƀon Yêrusalem? Bi khân may ƀư ƀơ̆ đŏng nar saƀat, gay ƀư ăn nau ji nuih Păng ntop âk ma phung Israel!”

Ndrom Samƀŭt bơh Yôp 14:4

Mbu nơm dơi sŏk nau kloh ueh luh bơh nau ƀơ̆ ƀơch? Mâu geh du huê nuyh!

Nau Mprơ Ơm 78:57

Ƀiălah khân păng rŭch jêh ri mâu răp jăp nâm bu phung chô yau khân păng; Khân păng kue kuăt nâm bu na geh nau kue.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 57:4

Ma mbu nơm khân may mưch gơm? Ma mbu nơm khân may hă huy trôm mbung Jêh ri sŏt mpiăt tâm rdâng? Mâu di hĕ khân may jêng phung kon tâm rdâng, Jêng kon sau phung mƀruh?

Êsêkiêl 20:21

Ƀiălah phung kon sau khân păng tâm rdâng jêh đah Gâp, khân păng mâu hăn tĭng nau vay dăp Gâp, mâu djôt prăp ôh nau vay ƀư bơh Gâp, jêng ntil nau bunuyh tông dơi rêh, jêh ri khân păng ƀư tih lĕ nar saƀat Gâp đŏng. Rnôk nây, Gâp lah Gâp mra nkhŭt nau Gâp ji nuih ta klơ khân păng, nkhŭt lĕ nau Gâp ji nuih tâm rdâng đah khân păng tâm bri rdah.

Nau Kơp Bunuyh 32:15

Tơlah khân may đŏng chalơi Păng, Păng mra chalơi phung ƀon lan aơ tâm bri rdah jêh ri khân may mra ƀư ăn khân păng rai lĕ.”

Luka 11:48

Kơt nây, khân may ƀư nơm mbơh jêh ri dơn jêh nau phung chô yau khân păng ƀư; yorlah khân may nkhĭt jêh phung nơm mbơh lor, bi khân may tay ndâk môch ma phung nây.

Nau Vay Nkah Tay 9:24

Ntơm bơh nar gâp gĭt năl khân may tât aƀaơ, khân may tâm rdâng ƀaƀơ đah Brah Yêhôva.