Nau Kơp Bunuyh 30:3 - Nau Brah Ndu Ngơi 2023

³ Tơlah du huê bu klâu ƀư jêh nau ton ma Brah Yêhôva mâu lah tâm ton sơm ma moh nau, djôt prăp hom, lơi mâu răp jăp. Ăn păng ƀư di nâm nau mbung păng hŏ ngơi.

Nau Kơp Bunuyh 30:3 ပူးပေါင်းရင်းမြစ်များ

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

Nau Mprơ Ơm 50:14

Nhhơr hom nau tâm rnê lah ueh jêng ndơ ƀư brah ma Brah Ndu Jêh ri ƀư lôch nau may ton ma Nơm Dŭt Prêh.

Kan Lêvi 27:2

“May ntăm hom ma phung ƀon lan Israel pô aơ: ‘Tơlah mbu nơm geh nau dăn ton êng tât ma nau nhhơr bunuyh ma Brah Yêhôva, ăn may kơp tĭng nâm rnoh tâm ban gay ma nhhơr.

Nau Kơp Bunuyh 30:2

Y-Môis lah ma phung kôranh chiă uănh ma phung ndŭl mpôl Israel pô aơ: “Aơ jêng nau Brah Yêhôva hŏ ntăm nti:

Nau Kơp Bunuyh 30:4

Tơlah du huê bu ur, tâm nôk druh mpăr hôm e gŭ tâm ngih mbơ̆ păng nơm, geh ƀư nau ton ma Brah Yêhôva jêh ri djôt prăp hom nau păng nơm hŏ ton jêh,

Nau Kơp Bunuyh 6:2

“Lah hom ma phung ƀon lan Israel: ‘Tơlah du huê bu klâu mâu lah bu ur ƀư nau ton jêng du huê Nasirit gay prăp êng ăn păng nơm ma Brah Yêhôva,

I Kôrintô 14:34

ăn phung bu ur djôt prăp nau gŭ rklăk tâm Phung Ngih Brah Ndu. Khân păng mâu dơi vay ngơi ôh, ƀiălah ăn khân păng tông tâm ban nau vay hŏ nti jêh.

Yôsuê 9:18

Phung ƀon lan Israel mâu lơh nkhĭt khân păng ôh, yorlah phung kôranh chiă uănh phung ƀon lan hŏ sŏk amoh Yêhôva Brah Ndu Israel ton săk ma phung ƀon lan nây; ƀiălah lĕ rngôch phung tâm rƀŭn ngơi ƀrôk đah phung kôranh chiă uănh.

Phung Kôranh Phat Dôih 11:35

Y-Jêptê saơ jêh păng luh du, păng nkhêk ro bok ao păng nơm jêh ri lah: “Hơi kon! Kon bu ur gâp, kon ƀư ăn ma gâp rngot hâu ngăn ngên! Kon jêng nau uh ah toyh ma gâp! Yorlah gâp ngơi jêh nau ton sơm tanăp Brah Yêhôva jêh ri mâu dơi rgâl ôh.”

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”