Nau Kơp Bunuyh 30:2 - Nau Brah Ndu Ngơi 2023

² Y-Môis lah ma phung kôranh chiă uănh ma phung ndŭl mpôl Israel pô aơ: “Aơ jêng nau Brah Yêhôva hŏ ntăm nti:

Nau Kơp Bunuyh 30:2 ပူးပေါင်းရင်းမြစ်များ

Ndrom Samƀŭt bơh Yôp 22:27

May mra vơh vơl dăn ma Păng, Păng mra iăt may; Jêh ri may mra ƀư nanê̆ nau may nơm ton.

Nau Mprơ Ơm 116:14

Gâp mra tâm lĕ nau gâp ton ma Brah Yêhôva, Tanăp lĕ rngôch phung ƀon lan Păng.

Nau Mprơ Ơm 116:18

Gâp mra ƀư rĭng lĕ nau gâp ton ma Brah Yêhôva, Tanăp lĕ rngôch phung ƀon lan Păng,

Nau Mprơ Ơm 119:106

Gâp hŏ sơm ton jêh ri ton nanê̆ pô aơ, Gâp mra djôt prăp lĕ nau vay May ƀư jêng sŏng srăng.

Nau Mprơ Ơm 15:3

Păng geh mpiăt mâu ngơi nchơt, Mâu lĕ ƀư mhĭk ma mĭt jiăng, Mâu đŏng srih nau bêk prêng phung chiau meng păng;

Nau Mprơ Ơm 22:25

Nau gâp tâm rnê gŭ ta nklang phung tâm rƀŭn toyh luh tă bơh Kôranh Brah; Gâp mra ƀư ăn jêh nau gâp ton tanăp phung klach yơk ma Păng.

Nau Mprơ Ơm 50:14

Nhhơr hom nau tâm rnê lah ueh jêng ndơ ƀư brah ma Brah Ndu Jêh ri ƀư lôch nau may ton ma Nơm Dŭt Prêh.

Nau Mprơ Ơm 55:20

Phung mhĭk yơr ti tâm rdâng đah phung bunuyh gŭ đăp mpăn ndrel ma păng; Ƀư tih đah nau khân păng tâm rnglăp jêh.

Nau Mprơ Ơm 56:12

Ơ Brah Ndu, gâp mra ƀư lĕ nau gâp ton đah May; Gâp mra nhhơr ndơ ƀư brah tâm rnê lah ueh ma May.

Nau Mprơ Ơm 76:11

Ton hom ma Brah Yêhôva Brah Ndu, Jêh ri ƀư nau khân may ton jêh ma Păng. Lĕ rngôch bunuyh gŭ văr jŭm Păng Djôt hom ndơ nhhơr ma Nơm khư bu klach.

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Hôr 20:25

Ngơi ma nau ndal ir pô aơ: “Ndơ aơ jêng ndơ kloh!” Jêh ri lah hŏ ton jêh ri mơ mĭn rvê tay đŏng, Nây jêng du mlâm dăk sân njrăng ăn ma kon bunuyh.

Kan Lêvi 5:4

Tơlah du huê bunuyh lăn ngơi nau ton mra ƀư nau mhĭk mâu lah nau ueh, ngăch ton ăp ntil kan ƀiălah mâu mĭn, pakơi nĕ mơ păng gĭt năl, păng mra khan nau tih tâm lĕ nau nây.

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Nau Kơp Bunuyh 21:2

Phung ƀon lan Israel ƀư nau ton đah Yêhôva pô aơ: “Tơlah Kôranh Brah jao phung ƀon lan aơ tâm ti hên, hên mra ƀư rai lĕ ƀon khân păng.”

Nau Kơp Bunuyh 30:10

Ăp nau ton du huê bu ur ndrô mâu lah du huê bu ur bu chalơi jêh, ăn păng djôt nau ton nây.

Nau Kơp Bunuyh 32:24

Pônây, ƀư ƀon hom ma phung kon khân may, ndâk ndrung ma mpôl mpô mpa rong jêh ri ƀư hom moh nau khân may hŏ ngơi jêh.”

Mathay 23:16

Rêh ni yơh ma khân may, phung njŭn trong chieh măt, khân may lah: ‘Tơlah mbu moh nchŏng ngih brah gay sơm ton ri mơ mâu geh nau khlay ôh; ƀiălah tơlah păng nchŏng mah tâm ngih brah gay sơm ton, pô ri nau sơm ton geh nau nchâp.’

Mathay 23:18

Khân may lah pô aơ: ‘Tơlah mbu moh nchŏng nơng ƀư brah mâu geh nau khlay, ƀiălah tơlah nchŏng ndơ ƀư brah ta klơ nơng nây gay sơm ton, pôri geh nau nchâp.’

Kôranh Oh Mon 23:12

Nar ôi taơ, phung Yuđa rƀŭn tâm nchră jêh ri sơm ton ndrăng khân păng pô aơ khân păng mâu sông sa mâu nhêt tât khân păng dơi nkhĭt Y-Pôl.

Kôranh Oh Mon 23:14

Khân păng văch ma phung kôranh ƀư brah toyh jêh ri phung kôranh bu ranh, lah pô aơ: “Hên hŏ sơm ton ndrăng hên nơm, mâu mra sông sa ôh, tât hên dơi nkhĭt Y-Pôl.

Kôranh Oh Mon 23:21

Ƀiălah lơi may iăt nau phung nây, yorlah geh rmeh puăn jât nuyh tâm phung khân păng, hŏ tâm nchră jêh gay ƀư ƀai ma Y-Pôl. Khân păng hŏ sơm ton mâu sông sa mâu nhêt tât khân păng dơi nkhĭt Y-Pôl; aƀaơ khân păng rơm ndrăp, knŏng kâp may dơn nau dơm.”

II Kôrintô 1:23

Gâp mbơh sơm dăn Brah Ndu mbơh ma huêng gâp, yorlah chrê khân may rĭ dĭng gâp ê hŏ hăn tât ma ƀon Kôrintô.

Phung Kôranh Phat Dôih 11:11

Pôri, Y-Jêptê hăn ndrel ma phung bu ranh n'gor Gilêat; phung ƀon lan njêng păng jêng kôranh tahan jêh ri kôranh chiă uănh ma khân păng. Ta Mispa, Y-Jêptê ngơi tay tanăp măt Brah Yêhôva lĕ nau păng hŏ ngơi jêh.

Phung Kôranh Phat Dôih 11:39

Lôch bar khay, păng plơ̆ sĭt tay ma mbơ̆ păng, jêh ri mbơ̆ păng ƀư tĭng nâm nau păng ton jêh. Păng ê hŏ tâm mâp đah bu klâu ôh. Tă bơh nau nây, phung ƀon lan Israel geh du nau vay aơ: