Nau Kơp Bunuyh 30:13 - Nau Brah Ndu Ngơi 2023

¹³ Ƀiălah tơlah sai păng tăng gĭt jêh ri chalơi nau ton nây, pôri lĕ nau ton jêh ri tâm ton tă bơh trôm mbung păng hŏ ngơi jêh mâu mra hôm e ôh. Yorlah sai păng hŏ chalơi jêh lĕ nau nây, pôri Brah Yêhôva mra yô̆ an ma păng.

Nau Kơp Bunuyh 30:13 ပူးပေါင်းရင်းမြစ်များ

Êsra 8:21

Ta nây, dăch kơh dak krong Ahava, gâp kuăl ver ât sông sa, gay he ntrŭnh săk panăp măt Brah Ndu hên jêh ri dăn vơh vơl ma Păng ntĭm ăn gâp trong di gay hên jêh ri phung kon sau hên hăn, nđâp ma drăp ndơ hên.

Nau Mprơ Ơm 35:13

Tơlah khân păng ji kuet, Gâp nsoh ao ƀau, Ver sông sa, nchâp ma huêng gâp. Nau gâp mbơh sơm plơ̆ sĭt ta ntang ntơh gâp.

Êsai 58:5

Di lĕ nây jêng nau ât sông sa Gâp săch jêh, Jêng nar bu ntrŭnh săk păng nơm? Di lĕ kŭnh bôk tâm ban ma du mlâm tơm rpho, Gŭ ta klơ ƀau jêh ri ndruyh ŭnh buh, Khân may rnha nau nây jêng ât sông sa, Jêng nar Brah Yêhôva dơi dơn lĕ?

Kan Lêvi 16:29

Nây mra jêng du nau vay dăp n'ho ro ma khân may: Ta nar jât khay pơh, nđâp lah khân may jêng bunuyh tơm bri mâu lah bunuyh gŭ njưh ta nklang khân may, ât sông sa da dê, chalơi khân păng nơm, mâu ƀư kan,

Kan Lêvi 23:27

“Lơ jât khay pơh jêng nar rƀŭn chuai nau tih, mra geh gưl tâm rƀŭn kloh ueh ăn ma khân may; ăn khân may ât sông sa jêh ri nhhơr lĕ ndơ nhhơr ăn ŭnh sa ma Brah Yêhôva.

Kan Lêvi 23:32

Aơ jêng nar saƀat ma khân may, du nar geh nau rlu ngăn, jêh ri ăn khân may ât sông sa. Ăn khân may djôt prăp nar saƀat, ntơm bơh nar nhâp tâm lơ sĭn tât nar nhâp tâm nar ôi taơ.”

Nau Kơp Bunuyh 29:7

“Ta nar jât khay pơh aơ, ăn khân may geh nau tâm rƀŭn kloh ueh, jêh ri ăn khân may nchâp huêng khân may nơm jêh ri mâu dơi ƀư ôh du ntil kan vay ƀư ôh.

Nau Kơp Bunuyh 30:12

jêh ri tơlah sai păng hŏ tăng jêh nau nây jêh ri mâu ngơi ôh jêh ri mâu dun ôh ma păng, pôri lĕ nau ton jêh ri tâm ton păng ngơi jêh mra hôm e ôh.

Nau Kơp Bunuyh 30:14

Sai păng geh nau dơi ƀư nâp mâu lah chalơi lĕ rngôch nau păng ton jêng lĕ rngôch nau păng tâm nkol păng nơm.

I Kôrintô 11:3

Ƀiălah, gâp ŭch ăn khân may gĭt pô aơ: Brah Krist jêng bôk ma bu klâu, bu klâu jêng bôk ma bu ur, jêh ri Brah Ndu jêng bôk ma Brah Krist.

I Kôrintô 11:9

Rhăk njêng bu klâu mâu di yor bu ur ôh, ƀiălah bu ur yor ma bu klâu

I Kôrintô 7:5

Lơi tâm dun ndrăng khân ay may ôh, knŏng tơlah lĕ bar ding du ai ƀât lât, prăp êng mông nar ma nau mbơh sơm, ƀiălah pakơi nây plơ̆ gŭ ndrel, klach lah Satan ndơm khân ay may tâm nôk khân ay may mâu dơi ât.