Nau Kơp Bunuyh 30:12 - Nau Brah Ndu Ngơi 2023

¹² jêh ri tơlah sai păng hŏ tăng jêh nau nây jêh ri mâu ngơi ôh jêh ri mâu dun ôh ma păng, pôri lĕ nau ton jêh ri tâm ton păng ngơi jêh mra hôm e ôh.

Nau Kơp Bunuyh 30:12 ပူးပေါင်းရင်းမြစ်များ

Yêrêmi 44:17

Ƀiălah, hên mra ƀư nŭm lĕ nau hŏ ton jêh luh bơh ma mbung hên, mra nhhơr ndơ ƀâu kah jêh ri ƀư nau ndơ nhhơr nhêt ma hađăch bu ur tâm trôk, nâm bu hên jêh ri phung chô yau hên, phung hađăch jêh ri phung kôranh hên hŏ ƀư jêh tâm ƀon n'gor Yuđa jêh ri n'gŏ trong toyh ƀon Yêrusalem. Nôk nây, hên hŏ geh ndơ sông sa âk rmeh, gŭ rêh geh nau chăt hao, mâu geh nau mhĭk tât ôh.

Yêrêmi 44:19

Rlau lơn dŏng, lah hên nhhơr ndơ ƀâu kah jêh ri ƀư ndơ nhhơr nhêt ma hađăch bu ur tâm trôk, mâm dĭng sai hên mâu gĭt hên ƀư ƀănh tĭng nâm rup hađăch bu ur jêh ri nhhơr ndơ nhhơr nhêt ăn ma brah nây lĕ?”

Nau Kơp Bunuyh 15:25

Kôranh ƀư brah mra ƀư nau rƀŭn chuai nau tih ma lĕ rngôch phung ƀon lan Israel tâm rƀŭn; khân păng mra geh nau yô̆ an yorlah nĕ jêng nau tih mâu ŭch ƀư jêh ri phung tâm rƀŭn hŏ njŭn leo jêh tât tanăp Brah Yêhôva du ndơ ƀư brah, jêng du ndơ ƀư brah ăn ŭnh sa nhhơr ma Brah Yêhôva, nđâp ma ndơ ƀư brah chuai nau tih khân păng vĭ.

Nau Kơp Bunuyh 15:28

Kôranh ƀư brah mra ƀư nau rƀŭn chuai nau tih ma bunuyh ƀư nau tih vĭ tanăp Brah Yêhôva; tơlah lĕ ƀư nau rƀŭn chuai nau tih ma bunuyh nây, jêh nây păng mra geh nau yô̆ an.

Nau Kơp Bunuyh 30:11

Tơlah du huê bu ur hŏ ƀư jêh nau ton nôk gŭ rêh tâm ngih sai păng, mâu lah tâm ton moh nau, ăn păng djôt nau nây,

Nau Kơp Bunuyh 30:13

Ƀiălah tơlah sai păng tăng gĭt jêh ri chalơi nau ton nây, pôri lĕ nau ton jêh ri tâm ton tă bơh trôm mbung păng hŏ ngơi jêh mâu mra hôm e ôh. Yorlah sai păng hŏ chalơi jêh lĕ nau nây, pôri Brah Yêhôva mra yô̆ an ma păng.

Nau Kơp Bunuyh 30:5

tơlah mbơ̆ păng tăng jêh nau păng ton jêng nau ton păng djôt prăp hom, ƀiălah mbơ̆ păng mâu ngơi ôh ma păng, pôri lĕ rngôch nau păng ton mra hôm e ôh.

Nau Kơp Bunuyh 30:8

jêh ri tơlah nar nây sai păng tăng gĭt nau nây, ƀiălah sai păng mâu ngơi ôh ma păng, pônây lĕ nau ton jêh ri tâm ton mra hôm e ôh.

I Kôrintô 11:3

Ƀiălah, gâp ŭch ăn khân may gĭt pô aơ: Brah Krist jêng bôk ma bu klâu, bu klâu jêng bôk ma bu ur, jêh ri Brah Ndu jêng bôk ma Brah Krist.

I Samuel 1:23

Y-Êlkana, sai păng lah: “Ƀư hom tĭng nau ay mĭn di, gŭ kâp ta aơ kŏ tât kon păng chalơi pu toh. Knŏng dăn Brah Yêhôva ƀư tât ngăn nau ton Păng!” Pônây, H'Anna gŭ ta ngih păng kŏ tât kon păng chalơi pu toh.